Hjólabrettaskóli Reykjavíkur blæs nú í námskeið fyrir fullorðna en fyrri námskeið hafa svo sannarlega slegið í gegn!
Námskeiðin eru fyrir algjöra byrjendur og lengra komna en skipt verður í hópa eftir getu. Næsta Námskeið hefst þriðjudaginn 4. ágúst klukkan 19:00 – 20:30 og er það í fjóra þriðjudaga í röð. Farið verður yfir undirstöðu hjólabrettisins t.d. hvernig á að standa, ná jafnvægi, ýta sér og ollie (stökkva á brettinu), snúa sér og margt margt fleira!
Hjólabretti er virkilega skemmtileg og góð hreyfing sem reynir á alla vöðva líkamans. Einnig ýtir hjólabretti undir skapandi hugsun og fær viðkomandi til að vera meira vakandi fyrir umhverfi sínu. Steinar Fjeldsted einn af eigendum Hjólabrettaskóla Reykjavíkur mun sjá um kennsluna en hann hefur um 30 ára reynslu af hjólabrettum og hefur kennt á fjölmörgum námskeiðum með virkilega góðum árangri. Einnig kennir Dagur Örn á námskeiðinu en hann hefur starfað hjá skólanum í þrjú og hálft ár og er miklir hjólabrettasnillingur.
Þetta námskeið er fyrir 18 ára og eldri og hefst það þriðjudaginn 4. ágúst og fer það fram á hjólabretta útisvæðinu í Laugardalnum. Eins kom fram hér að ofan byrja námskeiðin kl 19:00 og stendur til kl 20:30 og er fjóra fimmtudaga í röð. Námskeiðið kostar 11.900 kr og fer skráning fram á hjolabrettaskoli@gmail.com og í síma: 768-8606. Nafn, símanúmer og kennitala þarf að fylgja skráningu.
Hjólabrettaskóli Reykjavíkur er styrktur af Hámark og Krónunni.
Fylgist með Hjólabrettaskóla Reykjavíkur á Instagram.
