Sölvi og Maggi fagna útgáfu sinnar fyrstu plötu, Sölvi Kolbeinsson, Magnús Trygvason Eliassen. Platan kom út hjá Reykjavík Record Shop þann 30. Október 2020 en í ljósi aðstæðna er fyrst núna mögulegt að vera með útgáfutónleika.
Platan er fáanleg á vínyl í vel flestum plötubúðum landsins og á Bandcamp og er skemmst því að segja að platan var valin Spunadjass plata ársins af Árni Matt hjá Morgunblaðinu.
Saxófónleikarinn Sölvi Kolbeinsson og trommarinn Magnús Trygvason Eliassen byrjuðu að spila saman í dúói árið 2015 og hafa síðan þá haldið fjölda tónleika í Mengi auk þess að koma fram á öðrum tónleikastöðum í Reykjavík. Þeir komu fram á Djasshátíð Reykjavíkur 2020 ásamt gítarleikaranum Hilmari Jenssyni. Á þessum árum hafa þeir farið í gegnum ótalmarga djass-standarda (lög sem hafa orðið hluti af sameiginlegri efnisskrá djasstónlistarmanna) og önnur lög sem þeim finnst skemmtileg, eftir höfunda eins og Thelonious Monk, John Coltrane, Paul Motian, Bud Powell og Antônio Carlos Jobim. Þeir fara frjálst með lögin, nota þau sem stökkpall út í hyldýpi spunans, spinna inn og út úr þeim en leggja þó alltaf áherslu á að týna þeim aldrei.
Tónleikarnir fara fram í Mengi, fimmtudag og föstudag kl. 20:00. Miðaverð: 2.500 kr. Húsið opnar 19:30, takmarkaður sætafjöldi.
Umræðan