Skuggasveinn var að senda frá sér EP plötuna, Lifandi. Um er að ræða 4 laga plötu hlaðna af hljóðgervlum og söng.
Platan mun koma út í mjög takmörkuðu upplagi í númeruðum vínyl (30 eintök) og verður afhent á næstu 10 dögum en það er Studio Fræ sem hannar plötuumslagið. „Platan er eins konar intro að Skuggadansi, sem er LP platan sem ég hef verið að vinna að í nokkur ár og kemur út í lok þessa árs eða byrjun næsta,“ útskýrir hann.
Útgáfutónleikarnir verða á Kex Hostel 25. maí næstkomandi þar sem Lifandi verður spiluð ásamt smá forsmekk á Skuggadans.
