Tónlistarhátíðin Extreme Chill fer fram í Reykjavík dagana 1.-3. október en þetta er 11.árið sem hátíðin er haldin.
Í ár kemur mikill fjöldi listamanna fram á hátíðinni, Þarna koma saman ólíkir listamenn frá tilraunakenndum listamönnum til klassískrar listamanna, Dagskrá auglýst síðar. Extreme Chill er hátíð sem setur ávallt markmiðin hærra með hverju ári og hefur nú verið haldin bæði í Berlín og víða um land og hefur líka verið í samstarfi við ýmsar hátíðir bæði hérlendis og erlendis.
Markmið hátíðarinnar er að kynna íslenska og erlenda raftónlistarmenn og tengja saman ólík listform, hljóðheim raftónlistarinnar og lifandi myndheim. Að tengja saman erlenda og innlenda tónlistar- og videó/myndlistarmenn og sköpun þeirra ásamt því að vekja athygli á rafrænni Reykjavík, raftónlistarhöfuðborg Íslands. Þriggja daga tónlistarveisla þar sem íslenskir og erlendir listamenn með ólíkan bakgrunn á öllum aldri mætast í sköpun sinni undir áhrifum íslenskrar náttúru. Þetta verður leyndardómsfullt ferðalag um rafræna Reykjavík.”
Hátíðar passinn kostar aðeins 9.900 kr og gildir á alla 3 dagana. Opnunar tónleikar hátíðarinnar verða haldnir 1 október og gildir passinn einnig á þann viðburð (Staðsetning og dagskrá auglýst síðar).
Hægt er að nálgast miða á hátíðina á Harpa.is
