Í sumar fagnar LungA hátíðin 15 ára afmæli sínu.
LungA er litrík, alþjóðleg listahátíð með fjölda viðburða í vikulangri dagskrá sem fer fram á Seyðisfirði dagana 12 – 19. Júlí. Á hátíðinni myndast einstakt samfélag þar sem fólk sækir innblástur í listir, umhverfið og hvort annað.
Í fjölbreyttum listasmiðjum fá þátttakendur tækifæri til að kanna óþekktar hliðar á sjálfum sér og öðlast bæði ný tengsl og ógleymanlega reynslu. Það er er ekki auðvelt að lýsa andrúmslofti LungA. Myndlistamaðurinn Goddur orðaði það svona :
“það er sérstakt andrúmsloft hér sem erfitt er að lýsa. það er eins og að reyna að lýsa kynferðislegri fullnægingu fyrir fólki sem aldei hefur kynnst kynferðislegri fullnægingu – Seyðisfjörður er skapandi kynferðisleg fullnæging. þú verður að upplifa til að skilja”.
Þann 1. júní síðastliðinn hófst miðasalan á afmælistónleika hátíðarinnar á tix.is og einnig verður opnað fyrir skráningar í listasmiðjur á www.lunga.is en síðast fylltust þær á fáeinum dögum! Afmælistónleikarnir verða hápunktur hátíðarinnar og fara fram laugardaginn 18. júlí. Tónleikasvæðið við gömlu fiskvinnsluna verður ævintýraleg upplifun í sjálfu sér og á sérsmíðuðu sviði LungA koma fram hljómsveitirnar:
Sykur
Gangly
Grísalappalísa
Dj flugvél og geimskip
Reykjavíkurdætur
Sjá nánar á: www.lunga.is
Umræðan