Norsk-enska tónlistarkonan Sasha Siem gaf út sína fyrstu plötu “Most Of The Boys” þann 2. mars síðastliðinn. Platan tengist Íslandi sterkum böndum en um pródúseringu, hljóðblöndun- og jöfnun sá Valgeir Sigurðsson í hljóðverinu Gróðurhúsinu.
Sasha Siem er jafnframt Íslandsvinur mikill og bjó um tíma hér á landi auk þess að vera sérstök áhugakona um íslenskar bókmenntir.
Þetta er ekki í fyrsta sinn sem parið vinnur saman, en tónlistarkonan söng eitt aðalhlutverk verksins Wide Slumber sem Valgeir samdi tónlistina við og var frumsýnt á Listahátíð í Reykjavík í fyrra. Einnig munu þau koma fram saman á tónleikum 25. mars næstkomandi á Lexington í London.
Arnar Eggert skrifaði stutta grein um tónlistarkonuna sem hægt er að lesa hér.
