Hljómsveitakeppnin Wacken Metal Battle var haldin núna um helgina í Norðurljósasal Hörpu.
Var það hljómsveitin In The Company Of Men sem gerði sér lítið fyrir og sigraði í keppninni og mun því verða fulltrúar Íslands á Wacken Open Air hátíðinni í sumar í Norður-Þýskalandi.
Var það hljómsveitin Auðn sem lenti í 2. sæti og Churchhouse Creepers lönduðu 3. sætinu.
Hlaut In The Company Of Men flest atkvæði dómnefndar, á meðan Churchhouse Creepers voru vinsælasir meðal áhorfenda. Það dugði þó ekki til, til þess að breyta niðurstöðunni, en vægi áhorfenda var á við 2 dómnefndarmeðlimi.
Vinningar í ár voru:
1.sæti
20 tímar í hljóðverinu Stúdíó Paradís með hljóðmanni
30 þúsund kr gjafabréf frá Hljóðfærahúsinu
20 þúsund kr gjafabréf frá Smekkleysa plötubúð
Áprentun á bassatrommuskinn frá Merkismönnum
Ferðastyrkur uppá 50 þús per meðlim sveitar, frá ÚTÓN Koma fram á Iceland Airwaves
2. sæti
20 tímar hljóðmannsvinna í hljóðveri Stúdíó Fossland
20 þús kr gjafabréf frá Tónastöðinnni
3. sæti
10 þús kr gjafabréf frá Tónastöðinnni
Hljómsveitin hefur aukinheldur unnið sér inn ókeypis far í hópferð Íslendinga á Wacken hátíðina. Það hefur verið farin hópferð á hátíðina með íslendingum á hverju ári síðan 2004 en þó svo að það hafi verið uppselt á Wacken á söluskrifstofunni þar ytra síðan daginn eftir að síðastu hátíð lauk, að þá eru ennþá til miðar með hópferðinni.
Halldór Ingi ljósmyndari var á staðnum og tók eftirfarandi myndir:
Einnig Sigríður Dagbjartsdóttir ljósmyndari:
Umræðan