Floni Eau De Parfum er samstarfsververkefni milli tónlistarmannsins Flona og Laugar Spa sem unnið hefur verið síðasta eina og hálfa árið.
Íslenski tónlistarmaðurinn Floni sviptir hulunni af nýju ilmvatni sem einfaldlega nefnist Floni Eau De Parfum næstkomandi 3. desember og verður hann einungis fáanlegur í Húrra Reykjavík, Laugar Spa og á floni.is. Eins og nafnið gefur til kynna er um mjög persónulegt verkefni að ræða fyrir Flona en hann hefur um árabil verið mikill snyrtivöru- og ilmáhugamaður og hefur lengi blundað í honum að þróa sinn eigin ilm sem er jafnt ætlaður fyrir öll kyn.
Útgangspunktur Flona þegar hann ímyndaði sér ilminn voru m.a. ýkt mótvægi dimmra vetrarnótta vs falleg sumarkvöld og rómantík skemmtanalífsins vs látlausar samkomur, fullur af mystík, spennu, kynþokka og frelsi líkt og tónlist hans er.
Við framleiðsluna leitaði Floni til Laugar Spa sem hafa þróað og sett á markað vörur innan snyrtivörumarkaðarins með línunni Laugar Spa Organic Skincare með frábærum árangri. Við ilminn sjálfan fengu þau ilm-hönnuðinn Andreu Maack til að aðstoða sig, en hennar vörumerki er flokkað í s.k Niche Parfums og eru seld í lúxusverslunum erlendis, enda skipti það Flona máli að ilmurinn væru unninn úr háklassa efnivið.
Andrea horfði aðallega til Flona sem persónu og hugmyndir hans um ilminn og sammæltust þau um að útgangspunktur hans væri einskonar nútíma “rakspíri” fyrir öll kyn og aldur. Ilm-nóturnar eru samblanda af krydduðum og sætum nótum eins og kardimommu, patchouli, greipaldin og frosnu lavender sem mynda saman mjög fókuseraðan og dulkenndan ilm.
Allar ljósmyndir fyrir ilminn voru teknar af Önnu Maggý sem hefur unnið áður með Flona og fékk hennar listræna auga að njóta sín í verkefninu. Síðar meir komu þeir Sindri og Jón Davíð hjá Húrra Reykjavík með í verkefnið þar sem ilmurinn verður fáanlegur hjá þeim.
Floni Eau De Parfum kemur út í takmörkuðu upplagi þann 3. desember og verður fáanlegur í Húrra Reykjavík og á vefverslun www.Floni.is.
