VICTOR GUZMAN SÝNIR Í EKKISENS

0

Victor Guzman

„Courage don’t leave me“ (Hugrekki, ekki yfirgefa mig) er titillinn á sýningu Victor Guzman sem opnaði í Reykjavík laugardaginn 16. apríl kl 17:00. Sýningin verður opin 17. – 19. apríl frá kl 17:00 – 19:00.

Victor Guzman (f.1987) er chílenskur-norskur myndlistarmaður sem lifir og starfar í Osló. Hann nemur myndlist við Bergen Academy of Arts og er þessa önn í skiptinámi í myndlistardeild Listaháskóla Íslands.

VICTOR GUZMAN 2

Titillinn á sýningunni tengist minningum hans af því að vera 10 ára innflytjandi í  litlum norskum bæ sem heitir Røyken árið 1997 að reyna að afnema kynþáttaaðskilnað. Titillinn er vísun í tölvuleik sem heitir „Castlevania 64,“ þar sem söguhetjan hrópar setninguna „Courage don’t leave me“ áður en hann fer í bardaga.

„Flóttamanna krísan í Evrópu minnti mig á það hvernig komið var fram við mig í skóla. Landamæri lokuðust og hinir örvæntingarfullu voru skildir út undan. Þetta sneri um að komast lífs af. Það var ráðist á mig líkamlega og athugasemdir  fylgdu sem einkenndust af kynþáttahatri. Við vorum einungis tveir í skólanum á þeim tíma sem tilheyrðum minnihlutahópi. Það koma að því að ég þráði að verða hvítur á hörund eins og hinir, svo að ég yrði samþykktur. Á endanum fóru að vitja mín sjálfsvígshugsanir. En sem betur fer, tókst mér að finna lausn á þessu – í gegnum tölvuleiki og teiknimyndasögur.“ – Victor

Victor lítur á verk sín sem dagbók og frásögn af minningum um átök við hrekkjusvín og popp menningu. Sjálfsmynd og sjálfsbjargarviðleitni eru með helstu viðfangsefnum sem Victor vinnur með á þessari sýningu. Verkin eru ekki unnin sem hefnd eða uppgjör, heldur sem leið til að skapa vitund um útlendingahatur og einelti.

Comments are closed.