V A R I A N T MEÐ BEN FROST ÚTGEFIN Í DAG

0

BEN_FROST_VARIANT_VNL_12SP3.indd

Eftir afar vel heppnaða útgáfu plötu Ben Frost – A U R O R A  á heimsvísu fyrr á árinu kemur í dag út ný smáskífa hans – V A R I A N T


Ben Frost er fæddur og uppalinn í Ástralíu en hefur búið hér og starfað um árabil. Hann stofnaði Bedroom Community plötufyrirtækið með Valgeiri Sigurðssyni og Nico Muhly og hefur gefið út þrjár plötur þar sem allar hafa fengið glimrandi dóma. Árið 2010 var hann valinn af Brian Eno til árs samstarfs sem part af Protegé prógrammi Rolex. Ben vinnur reglulega með skapandi tónlistarmönnum og meðal nýlegra samstarfa má nefna Tim Hecker, Swans og Colin Stetson. Einnig hefur hann tekið að sér að semja tónlist fyrir sviðslistamenn á borð við Wayne McGregor, Akram Khan og Falk Richter, ásamt því að semja tónlist fyrir kvikmyndir líkt og Sleeping Beauty og Djúpið. Nýlega vann hann með listamanninum Richard Mosse að verkinu ‘The Enclave’ sem sýnt var á Feneyjartvíæringnum árið 2013. Það ár markaði jafnframt frumraun Ben í óperuheiminum, en hann samdi og leikstýrði sinni fyrstu óperu – The Wasp Factory – sem er byggð á samnefndri skáldsögu Iain Banks. Ben Frost gaf út plötuna A U R O R A í maí 2014 og hefur hún hlotið einróma lof gagnrýnenda sem kalla hana hans besta verk til þessa.

V A R I A N T inniheldur endurhljóðblandanir (e. remix) laga af A U R O R A eftir Evian Christ, Regis, Dutch E Germ, HTRK og Kangding Ray.
Lagalisti V A R I A N T  í heild er sem hér segir:
Venter – Evian Christ TF 12″ Mix
Venter -Dutch E Germ Remix
Venter – HTRK Remix
No Sorrowing – Kangding Ray Remix
Nolan – Regis Self Medicating Edit
 
Hægt er að streyma V A R I A N T í heild á Pitchfork
A U R O R A hefur hlotið mikið lof í fjölmiðlum og hefur meðal annars verið nefnd í hópi bestu platna ársins af miðlum á borð við Rolling Stone, New Yorker, Stereogum og Drowned in Sound.
Úr fjölmiðlum;
„…his greatest solo album yet“ – Clash
„Frost’s most fully realised work to date“ – The Wire
„…the darkest and most powerful recording of his career“ – Resident Advisor
 
Nánar um A U R O R A hér.
Plötuna má nálgast hér.
Langvarandi tónleikaferðalag Bens um heiminn er hvergi nærri hætt eins og hér má sjá;
6. desember – Rio De Janeiro, BR – Novas Frequências
11. janúar – Sydney, AUS – Sydney Opera House

15 janúar – Hobart, TAS – Mona Foma Festival
5. febrúar – Melbourne, AUS – HiFi Bar
27. – 29. mars – Knoxville, TN – Big Ears Festival

Comments are closed.