Það má með sanni segja að Iceland Airwaves hátíðin hafi svo sannarlega staðið undir væntingum í ár en stemmingin er búin að vera ólýsanleg seinustu daga. Tónleikar í nánast hverju húsi í miðbæ Reykjavíkur, annaðhvort On-Venue eða Off-Venue. Fjöldi listamanna tróðu upp þetta árið bæði innlendir og erlendir, en dagskráin var einkar glæsileg í ár.
Það er mjög erfitt að velja eitthvað eitt sem stóð upp úr, því 99,9 % af tónleikunum voru frábærir!
Miðvikudagur:
Leið mín lá fyrst í Gamla Bíó en þar sá ég Ensími, Ælu og Pink Street Boys en allar þessar hljómsveitir voru frábærar! Ensími eru náttúrulega fagmenn fram í fingurgóma og hvergi feil nóta slegin þar, að sjá Ælu á sviði er frábær upplifun og ótrúlega skemmtilegt, mér hlakkar til næstu tónleika. Pink Street Boys eru graðir, hraðir og í brjáluðu stuði og ég hafði virkilega gaman af þeim, algjör snilld!
Eftir Gamla Bíó tölti ég yfir í Iðnó en þar var Hip Hop aðal málið. Ég náði strákunum í Shades Of Reykjavík en SOR menn kunna sitt fag! SOR liðar hafa þroskast og spilamennskan er orðin óaðfinnanleg og lögin mikil snilld. Elli Grill og Prins Puffin og félagar eru að leggja lokahönd á sínu fyrstu breiðskífu og hlakkar mig mikið til að heyra hana, Frábært í alla staði.
Fimmtudagur:
Var ansi spenntur fyrir fimmtudeginum enda margt að sjá en leið mín lá fyrst í Silfurberg í Hörpu. Fyrsta sem ég sá þar var tónlistarmaðurinn Borko en hann hefur verið lengi í miklu uppáhaldi hjá mér. Borko er frábær tónlistarmaður og auðvitað voru tónleikarnir frábærir, ekkert annað um það að segja.
Næst steig listamaðurinn Low Roar á svið en platan hanns samnefnt honum hefur fengið að hljóma heima fyrir talsvert síðan hún kom út. Ég naut tónleikanna mjög mikið og fínt að detta inn í annan heim af og til. Takk Low Roar!
Næst var það skemmtistaðurinn Húrra sem varð fyrir valinu en þar var Möller Records sem réð ríkjum. Fyrst sá ég tónlistarmanninn Daveeth en hann sendi frá sér breiðskífuna „Mono Lisa“ á dögunum sem fékk frábærar viðtökur. Daveeth var virkilega skemmtilegur og flott lög hjá kappanum. Næst steig sjálfur guðfaðirinn Futuregrapher á svið en það er alltaf ávísun á góða skemmtun þegar hann spilar. Árni Grétar kann að taka mannskapinn með sér í ferðalag og það gerði hann umrætt kvöld, mikil snilld og mikil gleði!
Föstudagur:
Reykjavík Art Museum var fyrir valinu eins og hjá mörgum öðrum, en dagskráin þar var mjög skemmtileg. Fyrst steig Nýstirnið Sturla Atlas á svið en ég hef mjög gaman af honum og lagið „101 Boys“ fær mig til að dilla mér. Sturla var svalur ásamt sínu krúi og skiluðu þeir sínu vel. Emmsjé Gauti var næstur en hann er enginn nýgræðingur þegar kemur að tónleikahaldi, hann kann þetta! Kappinn tók alla slagarana og óhætt er að segja að það fór afar vel í mannskapinn og stemmingin var gríðarlega góð. Emmsjé Gauti er meðetta!
Næst varð Gamla Bíó fyrir valinu en þar langaði mig að sjá Úlf Eldjárn en tónlist hanns finnst mér mikil snilld og hlakkaði mig mikið til að sjá hann spila. Ég varð alls ekki fyrir vonbrigðum og eins og ég sagði hér áðan „það er fínt að detta inn í annan heim af og til.“ Klapp klapp fyrir Úlfi en tónleikar hanns fá fullt hús!
Ég lauk kvöldi mínu í Norðurljósarsal Hörpu en þar sá ég meistara Sin Fang. Sin Fang hefur verið í miklu uppáhaldi í þó nokkurn tíma en lög eins og „Young Boys“ og „Look At The light“ eru oft spiluð á mínu heimili. Sin Fang stóð sig virkilega vel eins og alltaf og fór ég mjög sáttur heim og sofnaði vært eftir frábært kvöld.
Laugardagur:
Leið mín lá að sjálfsögðu á Húrra en þar vorum við hjá Albumm.is með svið. Stuðið byrjaði á TRPTYCH, en það batterí er tildurlega nýtt og afar áhugavert. Ótrúlega flott lög, vel samin og mér hlakkar til að heyra breiskífuna sem er væntanleg.
Wesen steig næst á stokk en sú hljómsveit kom mér verulega á óvart á mjög góðan hátt. Skemmtilegt stuff þarna á ferðinni og mig langar að heyra meira.
Dream Wife er hljómsveit frá Uk og Íslandi en þar er Rakel Mjöll sem þenur raddböndin en hún er einnig meðlimur hljómsveitarinnar Halleluwah. Dream Wife er skemmtilegt Indie sækadelik en það er aldrei leiðinlegt að sjá þrjár stelpur spila Indie!
Tonik Ensemble er tónlistarmaður sem veit nákvæmlega hvað hann er að gera en tónlist hanns er einu orði sagt frábær. Kappinn spilaði skemmtilegt Elektró í myrkari kanntinum og hafði ég mjög gaman af!
Ruxpin þarf ekki að kynna fyrir þyrstum elektró hausum en hann steig á stokk og skilaði hann sínu afar vel eins og alltaf. Ruxpin hreif mig með sér og er það ekki í fyrsta skipti, klapp klapp!
Kero Kero Bonito þekkti ég ekki en var að sjálfsögðu forvitinn og kom mér það töluvert á óvart. Hresst lið í massastuði og þau fengu mig alveg til að dilla mér smá.
Kött Grá Pe er mikill snillingur en ég skemmti mér alltaf vel hvar sem hann kemur fram. Kött náði frábærri stemmingu og mátti sjá hendur á lofti en ég bara headbangaði! mikil snilld!
B-Ruff er einn helsti og besti Hip Hop plötusnúður landsins en hann steig næstur á svið. Auðvitað náði hann upp geggjaðri stemmingu og þarna var ég virkilega farinn að headbanga!
Seinasta atriðið á svið var Kane West ekki “Kanye West“ heldur Kane West! Kane West fannst mér virkilega skemmtilegt en mér fannst frábært að heyra þessa snilldar elektrónísku tóna af gamla skólanum.
Frábært kvöld í alla staði og takk fyrir okkur!
Sunnudagur:
Auðvitað varð Vodafone Höllin fyrir valinu en þar var heljarinnar partý! Pan Thorarensen og félagar úr Extreme Chill hópnum voru með svið en þar komu fram Dj Flugvél Og Geimskip, Mike Hunt, Ruxpin og Stereo Hypnosis svo fátt sé nefnt. Það er alltaf frábær stemming þar sem Extreme Chill hópurinn kemur fram og var þarna engin undantekning. Stereo Hypnosis eru alltaf að verða betri og betri eins og öll elektróníska senan.
Ég var ansi spenntur fyrir Sleaford Mods frá Bretlandi en ég hef verið að hlusta talsvert á þá kappa. Mér fannst það mjög skemmtilegt og enn og aftur var ég farinn að headbanga!
Hot Chip er stuðband en það er virkilega gaman að sjá þetta band live, meira gaman en að hlusta á plöturnar.
Eftirvæntingin var samt mest fyrir Fm Belfast en þarna er sko stuðband á ferðinni. Það ætlaði allt um koll að keyra allan tímann sem sveitin spilaði en stemmingin var vægast sagt trufluð!
Fm Belfast kann sitt fag og eru þau krínd stuðsveit Íslands!
Ég Steinar Fjeldsted og Albumm.is þakka innilega fyrir frábært Iceland Airwaves og sjáumst eftir ár!
Hér má sjá ljósmyndir frá Laugardeginum.
Battles, Döpur, Dream Wife, Jack Magnet, Reykjavíkurdætur og Sóley.
Ljósmyndir: Hafsteinn Viðar Ársælsson fyrir Albumm.is
Umræðan