TJÁ GREMJU, VALDALEYSI OG HEIMSHRYGGÐ UNGMENNA SEM LIFA Í REYKJAVÍK

0

tofa-1

Pönksveitin Tófa sendir frá sér nýja breiðskífu, Teeth Richards, deiliskífuna Youdas, myndlistarrit og glænýtt tónlistarmyndband fyrir Iceland Airwaves hátíðina.

Tófa er hjómsveit stofnuð af fimm vinum frá Reykjavík og Colorado. Hana skipa söngkonan Allie Doersch, Andri Freyr Þorgeirsson á bassa, Árni Þór Árnason á baritóngítar, Jóhannes Ólafsson á trommur og Kjartan Holm á gítar. Sveitin hefur starfað í rúm tvö ár en meðlimir hennar hafa leikið með hinum ýmsu hljómsveitum fyrir það, s.s. For a Minor Reflection, Rökkurró og Sigur Rós.

tofa-2

Tónlist Tófu er villt, hrá og ljóðræn. Andrúmsloftið er kaótískt en sækir innblástur jafnt í 20. aldar bókmenntir og myrkari hliðar samtímans. Rétt eins skepnan sem hún heitir eftir er Tófa álitleg að sjá en þegar betur er að gáð er hún taumlaus og blóðþyrst.

Fyrir Airwaves-hátíðina 2015 sendi Tófa frá sér sína fyrstu plötu, Fleetwood Max, sem vakti nokkra athygli í jaðartónlistarkreðsum. Nú, innan við ári seinna, hefur hún sent frá sér aðra breiðskífu, Teeth Richards, sem hægt er að sækja á Bandcamp-svæði hljómsveitarinnar þar sem hlustandinn ræður hvað hann borgar auk þess sem hægt er að streyma plötunni á öllum helstu veitum (Spotify, Apple Music o.s.frv.).

tofa-3

Á Teeth Richards setur sveitin undir sig hausinn og ræðst á pönkgarðinn þar sem hann er hæstur. Þar eru hugmyndir sem spruttu fram á fyrri plötunni rannsakaðar og færðar út, auk þess sem elja lögð í að setja lögin saman á frumlegan og ferskan máta. Platan samanstendur af átta lögum sem tjá gremju, valdaleysi og heimshryggð ungmenna sem lifa og hrærast í Reykjavík en þó aldrei án þeirra skilaboða að nú skuli taka til sinna ráða, breyta og bæta samfélagið. Textarnir eru ljóðrænir og stundum óræðir, fullir af vísunum og femínisma.

Tófa er með mörg járn í eldinum en auk Teeth Richards kemur út fyrir Airwaves-hátíðina sjö tommu deiliskífa (e. split) með bandarísku hljómsveitinni Deletions, glænýtt tónlistarmyndband og handgert myndlistarrit fullt af ýmsum varningi og tónlist í afar takmörkuðu upplagi. Deiliskífuna og myndlistaritið má finna í völdum plötuverslunum á næstu dögum.

Áhugasamir geta séð Tófu á tónleikum í Airwaves-vikunni á eftirtöldum stöðum:

Mánudag 31. október – 17:00 – Lucky Records
Miðvikudag 2. nóvember – 18:00 – Kaffibarinn
Fimmtudag 3. nóvember – 17:30 – Hitt Húsið (sérstakir jógatónleikar þar sem pönkið víkur fyrir sveimandi tónum)
Fimmtudag 3. nóvember – 18:30 – 12 Tónar
Föstudag 4. nóvember – 14:30 – Loft Hostel
Föstudag 4. nóvember – 16:00 – Hlemmur Square
Saturday 5th November – 20:00 – Gaukurinn (on-venue)

Hér fyrir neðan má sjá nokkra pistla um Tófu:

„… blaring and flinty … They seem to have oozed from the same dank, festering space as Dilly Dally and weave in the odd deranged Cramps-style vamp to push the song through its suite-like state: destruction into confusion into despair.“ – Pitchfork / Laura Snapes

„Hrátt og kraftmikið gítarrokk, reiður femínismi, drykkfellt og dónalegt pönk.“ – Snæbjörn Brynjarsson / Stundin

Top picks to see at Airwaves
„Tófa‘s sound is hyperactive and noisy, raw and bloody and tinny – just like coming from a garage. It scratches, it squeaks, it rattles and one can already see Gaukurinn bursting on Saturday.“ – Tonlist.de

„The band breaks the wall of what’s acceptable and unacceptable in performance art by creating a dank appearance with heavy vocal direction, and weaving in a chaotic to compelling to haunting artistic path.“ – Coastal Beats Media.com

Hér fyrir neðan má hlýða á plöturnar Teeth Richards og Fleetwood Max.

 

Comments are closed.