ÞUNGAROKKARARNIR Í KÖTLU SENDA FRÁ SÉR NÝTT EFNI

0

Katla er ekki eiginlegt band, heldur nokkurskonar samstarfverkefni Einars og Guðmundar, en þeir eru báðir þekktir í alþjóðlegu þungarokkssenunni og hafa starfað með böndum á borð við Sólstafi, Fortíð og hinu norska Den Sakaaldte. Frumburður verkefnisins, sjötommu smáskífan Ferðalok út kom í fyrra og vakti þó nokkra athygli í alþjóðlegu rokk senunni fyrir kaldan en þó melódískan hljóðheim og nýstárlega hljóma.

Síðan þá hafa þeir félagar verið að vinna að plötu í fullri lengd, sem er nú loksins að verða tilbúin. Hyldýpi er fyrsta lagið af plötunni sem kemur fyrir heyrnir almennings, en það eru þýska tónlistartímaritið Deaf-Forever.de og hin al íslenska Albumm.is sem bjóða hlustendum uppá lagið, og aðeins verður hægt að streyma því frá heimasíðum þeirra.

Skrifaðu ummæli