„ÞAÐ MÁ SEGJA AÐ ÞAÐ HAFI FARIÐ BLÓÐ, SVITI OG TÁR Í ÞETTA“

0

Akureyrska hljómsveitin Gringlo voru að senda frá sér sitt fyrsta myndband við lagið „Light Of New Day“ sem er fyrsti singúll af komandi EP plötu þeirra, From Source. Alls verða 5 lög á plötunni og er hún væntanleg með vorinu.

„Það má segja að það hafi farið blóð, sviti og tár í þetta allt saman. Ég vil helst ekki uppljóstra of miklu um viðfangsefni myndbandsins því ég vil heldur að fólk túlki það á sinn eigin hátt, enda er nægilegt svigrúm til að leyfa huganum að reika þó að symbólíkin sé vitaskuld sterk. En eins og alltaf er einhver undirliggjandi boðskapur eða tilfinning sem mig langar að miðla, eitthvað sem hjartað vill segja.“ – Ivan Mendez, söngvari/gítarleikari og höfundur lags

Myndbandið er tekið upp og unnið af Þorbergi Erlendssyni en intro og lokavinnsla á myndbandinu er unnin af Davíð Oddgeirssyni. Leikarar í myndbandinu eru þau Símon Birgir Stefánsson og Þórdís Elín Bjarkadóttir.

Hér er á ferðinni hljómsveit sem vert er að fylgjast með en einnig er gaman að segja frá því að gítarinn sem Ivan notar í myndbandinu er smíðaður af honum sjálfum!

Lagið „Light Of New Day“ var einnig að koma á spotify sem hægt er að nálgast hér.

Skrifaðu ummæli