TEITUR OG MARKÚS BLÁSA TIL HELJARINNAR TÓNLEIKA Á RIFI

0

11042122_10102044263481409_1868014020_n (1)

Í gegnum árin hefur Teitur Magnússon troðið upp með ýmsum sveitum t.a.m Ojba Rasta, Justman og Fallegum mönnum. Nú um mundir kemur hann fram sem kapteinn á eigin flaggskipi! Teitur mun stíga á stokk og leika nýsamin og ó heyrð lög sem og gljáfægðar gamlar perlur úr íslenskri hryntónlistarsögu í bland við lög af sólóplötunni 27. Sú plata hlaut fínar viðtökur, góða dóma og tilnefningar til íslensku sem og norrænu tónlistarverðlaunanna, auk þess að hljóta Kraumsverðlaun 2015. Eftir tónleikarferðir til Póllands og Frakklands er nú komið að Rifi!

Markús Bjarnason   hefur spilað með ýmsum hljómsveitum í gegnum tíðina en kallaði sólóverkefni sitt ávallt Markús & The Diversion Sessions . Til að byrja með kom Markús einn fram með gítarinn en fljótlega var komin hljómsveit sem með tíð og tíma var kölluð The Diversion Sessions. Lagið „É bisst assökunar“ sló í gegn og platan The Truth the Love the Life var kláruð í kjölfarið og kom svo út 2015. Lögin „Mónóey“ og „Decent Times“ hafa verið mest spiluð af þeirri plötu.

Markus solo

Nú eru hljómsveitarmeðlimir á leið í framhaldsnám og ýmsar áttir aðrar. Því fækkar tækifærum að gera tónleika með allri hljómsveitinni. Markús er því aftur komin á kreik einn með gítarinn og hyggur á tíðar ferðir um landið með tónleika og einnig aðra landvinninga erlendis. Markús er m.a. á leið í tónleikaferðalag til Þýskalands í september. Það hefur lengi verið á döfinni að koma fram í frystiklefanum á Rifi og nú er komið að því . Föstudagskvöldið 19. september verður hann ásamt Teiti Magnússyni í viðburðar og leikhúsinu á Rifi sem ber nafnið Frystiklefinn.

Tónleikarnir eru kl. 20:00 og er aðgangseyrir aðeins 2000 kr.

Plötur listamanna verða fáanlegar á staðnum.

 

Comments are closed.