stútfull af glimmeri og trans dívu attitjúdi

0

Þá er komin út nýjasta útgáfan frá FALK – Fuck Art Let’s Kill og jafnframt sú síðasta á árinu 2018.Hér er engin önnur en hún Skaði Þórðardóttir með fyrstu kassettuna sína, Jammið. Skaði kom inn á sjónarsviðið með glimmeri og látum fyrir um fjórum árum þegar hún hóf að koma fram með Dragsúg á Gauknum. Hún var þá nýflutt heim eftir nokkurra ára nám í Interactive Media Design við Konunglegu Lista Akademíuna í Haag.

Skaði kom með höfuðið fullt af hressandi diskótónlist og gat ekki beðið eftir að komast á svið. Hún var snögg að koma sér upp samböndum og var ein af upphafskonum Dragsúgs, reglulegs Drag kvölds á Gauknum sem hún hefur notað sem vettvang til að vinna í hljómi sínum og orkumikilli sviðsframkomu sem enginn ætti að láta framhjá sér fara.

Tónlistinni sjálfri má lýsa sem alternatívri og stundum funkskotinni NuDisco tónlist, stút full af glimmeri og TransDívu attitjúdi! Plötunni er hægt að streyma á öllum helstu streymi þjónustum sem internetið býður upp á; Spotify, itunes/apple music, Google play o.s.frv. En einnig á Bandcamp síðu Falk en þar er innig hægt að panta kassettuna.

FALK hefur svo sannarlega komið víða við á þessu ári og hafa komið út kassettur með tónlistarfólkinu astvaldi, Erzh og Crowhurst en einnig vínyl plötum frá AAIIEENN, Asmus Odsat og Jónbjörn en sú síðastnefnda var á dögunum tilnefnd til verðlauna hjá Kraum. Einnig var hrúga af tónelikum og má þar t.d Sónar Reykjavík 2018 en þar var FALK með auka svið þar sem fluttur var inn VARG frá Svíþjóð og Ziúr frá Berlín auk þess besta sem gerist í raftónlist á íslandi (að þeirra mati). Í September fluttum Falk inn Power Electronics/noise bandið Yeah You! Við gríðarfögnuð á Gauknum.

Næsta ár verður ekki minna að gera, nú þegar er búið að leggja drög að tveimur vínyl útgáfum á undir útgáfunni þeirra FALKDISKS sem og helling af frábærum kassettum með bæði íslenskum og erlendum listamönnum sem FALK finnst mikilvægt að heyrist á íslenskri grundu.

Skrifaðu ummæli