Sturluð dagskrá á Iceland Airwaves í ár

0

Dreams: (Sin Fang, Sóley & Örvar Smárason) kemur fram á hátíðinni í ár.

Eins og flest allir vita styttist í tónlistarhátíðina Iceland Airwaves og voru síðustu 20 atriðin kynnt nú rétt fyrir helgi. Einnig verða sérstaka 20 ára afmælistónleikar hátíðarinnar en fram koma Dead Sea Apple, Toy Machine og Carpet en það voru tónleikar þessara sveita fyrir 20 árum síðan sem varð kveikjan að því að Iceland Airwaves var sett á laggirnar.

Í heildina eru um að ræða 240 atriði frá 25 löndum, sem gerir 20 ára afmælisútgáfuna stærstu Airwaves hátíð frá upphafi. Þar á meðal eru Ólafur Arnalds, Ásgeir, Blood Orange, Alma, Hayley Kiyoko, Cashmere Cat, Stella Donnelly og margir fleiri.

Iceland Airwaves hefur lengi verið talin besta leiðin til að kynnast nýju uppáhalds tónlistinni þinni. Af þessum 240 atriðum eru yfir 150 íslensk bönd, sum þeirra þekkjum við vel en sum sem hafa aldrei komið fram á hátíðinni áður. Það stefnir allt í svakalegt afmælispartý 7. – 10. nóvember þar sem gleðin verður allsráðandi í hjarta Reykjavíkur. Þessi síðasta tilkynning hendir saman sjóðandi heitum tónlistaratriðum við góða vini hátíðarinnar í gegnum árin.

Varst þú á Iceland Airwaves 1999? Þá gefst þér tíma til að endurupplifa goðsagnarkenndu tónleikana sem urðu kveikjan að Iceland Airwaves fyrir 20 árum; Dead Sea Apple, Toy Machine og Carpet ætla að koma saman á ný til að spila á hátíðinni í ár. Dr. Spockkemur einnig fram, sem og þeir rótgrónu Fufanu, nýliðarnir ClubDub og uppáhald ungu kynslóðarinnar Herra Hnetusmjör!

Av Av Av kemur fram á hátíðinni í ár.

Aðstandendur hátíðarinnar hafa fundið nokkra gullmola til þess að kynna fyrir hátíðargestum, eins og groove maskínan Cola Boyy (US), breska raf dúóið The Rhythm Method sem mun spila á 20 ára afmælikvöldi Moshi Moshi. Bella Union halda einnig upp á 20 ára afmælið sitt með sérstökum afmælistónleikum sem enda á „vinyl-only“ DJ setti frá höfuðpaurnum Simon Raymonde, ‘6AM yoga rave’ verður haldið í fyrsta sinn á Íslandi og ýmsar óvæntar uppákomur verða.

Bagdad Brothers kemur fram á hátíðinni í ár.

Hér fyrir neðan má finna öll atriðin sem kynnt voru fyrir helgi:

Allanheimer, Alvia, Cola Boyy (US), Bodypaint, Carpet, ClubDub, Dead Sea Apple, Dr Spock, Fufanu, Gabríel, Grísalappalísa, Herra Hnetusmjör, Huginn, Klaki, Mosi, Sylvia Erla, Team Dreams: (Sin Fang, Sóley & Örvar Smárason), The Rhythm Method (UK) og Toy Machine.

Skrifaðu ummæli