STÆRSTU TÓNLEIKAR RÖSKUNAR TIL ÞESSA

0

Röskun.

Þungavigtarrokksveitin Röskun frá Akureyri heldur tvenna tónleika í Hamraborg í Hofi á Akureyri laugardaginn 24. febrúar 2018.

Annars vegar er um að ræða stærstu tónleikar Röskunar til þessa þar sem öllu verður til tjaldað svo hljóð og ljós verði eins gott og völ er á. Hljómsveitin LITH frá Reykjavík mun einnig koma fram og taka vel valin lög af nýlegri plötu þeirra. Tónleikarnir byrja klukkan 20:00. Almennt miðaverð er 3.900,- krónur en námsfólki og eldri borgurum býðst miðinn á 2.900,- krónur. Miðasala er opin á mak.is og tix.is.

Hins vegar verða sérstakir barnatónleikar fyrir 16. ára og yngri kl. 15:00 þar sem báðar hljómsveitir taka nokkur lög. Barnatónleikarnir eru haldnir í samstarfi við Menningarfélag Akureyrar og þar er frítt inn.

Lith.

Röskun er þekkt fyrir kraftmikla tóna, metnaðarfullar lagasmíðar, sönglínur og íslenska textagerð. Sveitin gaf út plötuna „Á brúninni“ í byrjun árs 2017 og var plötunni vel tekið af rokkunendum landsins sem og erlendis. Báðar sveitir er hægt að hlusta á og kynna sér á Spotify, YouTube og öðrum tónlistarveitum.

Þetta er frábært tækifæri fyrir bæði börn og fullorðna að upplifa rokk eins og það gerist best í bestu mögulegu lifandi gæðum á Akureyri og við hvetjum sem flesta til að mæta.

Tónlistarsjóður Hofs og Samkomuhúsins styrkir þessa tónleika.

Skrifaðu ummæli