SKRÁNING ER HAFIN Á HJÓLABRETTANÁMSKEIÐ ALBUMM OG MOLD SKATEBOARDS

0

Albumm.is og Mold Skateboards reka hjólabrettanámskeið fyrir krakka en þau hafa slegið rækilega í gegn! Líkt og á fyrri námskeiðum er það hjólabretta og tónlistarmaðurinn Steinar Fjeldsted sem sér um kennsluna en hann hefur um þrjátíu ára reynslu af hjólabrettum, hefur tekið þátt í fjölda keppna bæði hér á landi og erlendis og verið viðloðinn brettanámskeiðum í um fimmtán ár. Honum til halds og traust verða hjólabretta kapparnir: Óli, Eyþór, Ásgeir, Ísak og Dagur Örn en þeir hafa kennt á hjólabrettanámskeiðum í nokkur ár.

Farið er yfir öll helstu grunnatriði hjólabrettaíþróttarinnar eins og t.d. ýta sér, hvernig á að standa, snúa við, líkamsstöður og Ollie (hoppa) svo fátt sé nefnt. Fyrir þau sem eru örlítið lengra komin verður farið í ögn flóknari hluti eins og t.d. Kickflip, Shovit og jafnvel 360 flip.

Á námskeiðinu er hjálmaskilda en einnig eru allir hvattir til að koma með þær hlífar sem viðkomandi á. Nauðsynlegt er að eiga hjólabretti eða mæta á námskeiðið með eitt slíkt.

Næsta námskeið hefst laugardaginn 17. Júní og sunnudaginn 18. Júní 2017 og fer það fram á útisvæðinu hjá Fífunni í Kópavogi!. Námskeiðin eru fjögur skipti á laugardögum eða sunnudögum (taka skal fram í skráningu hvorn daginn hentar) og kostar 10.000 kr fyrir öll fjögur skiptin. Námskeiðið hefst stundvíslega kl 10:00 og stendur til kl 11:30. Námskeiðið er ætlað strákum og stelpum á aldrinum 5 til 12 ára (ekki fastmótað). Einnig fer fram námskeið á Selfossi á sunnudögum kl 15:00 – 17:00 og er það þrír sunnudagar og hefst það 18. Júní næstkomandi.

Skráning er hafin á albumm@albumm.is. Nafn og kennitala barns þarf að fylgja skráningu, nafn og símanúmer forráðamanns og hvort er viljað pláss á laugardögum eða sunnudögum. Ef verið er að skrá á námskeiðið á Selfossi skal taka það sérstaklega fram.

Skrifaðu ummæli