SKRÁNING ER HAFIN Á HJÓLABRETTANÁMSKEIÐ ALBUMM, MOLD OG BFH

0

nám jess

Albumm.is, Mold Skateboards og Brettafélag Hafnarfjarðar standa að hjólabrettanámskeiði fyrir krakka en þau hafa slegið rækilega í gegn! Líkt og á fyrri námskeiðum er það hjólabretta og tónlistarmaðurinn Steinar Fjeldsted sem sér um kennsluna en hann hefur um þrjátíu ára reynslu af hjólabrettum, hefur tekið þátt í fjölda keppna bæði hér á landi og erlendis og verið viðloðinn brettanámskeiðum í um fimmtán ár. Honum til halds og traust verða hjólabretta kapparnir, Eyþór, Ásgeir, Ísak og Dagur Örn en þeir hafa kennt á hjólabrettanámskeiðum í nokkur.

Farið verður yfir öll helstu grunnatriði hjólabretta íþróttarinnar eins og t.d. ýta sér, hvernig á að standa, snúa við, líkamsstöður og Ollie (hoppa) svo fátt sé nefnt. Fyrir þau sem eru örlítið lengra komin verður farið í ögn flóknari hluti eins og t.d. Kickflip, Shovit og jafnvel 360 flip.

Á námskeiðinu er hjálmaskilda en einnig eru allir hvattir til að koma með þær hlífar sem viðkomandi á. Einnig eru til leigu bretti og hjálmar og kostar slíkt 500 kr stk.

Námskeiðið hefst laugardaginn 13. Maí og sunnudaginn 14. Maí 2017 í aðstöðu Brettafélags Hafnarfjarðar, Flatarhrauni 14. (Gamla slökkviliðshúsinu í Hafnarfirði). Námskeiðin eru fjögur skipti á laugardögum eða sunnudögum (taka skal fram í skráningu hvorn daginn hentar) og kostar 10.000 kr fyrir öll fjögur skiptin. Námskeiðið hefst stundvíslega kl 10:30 og stendur til kl 12:00. Námskeiðið er ætlað strákum og stelpum á aldrinum 5 til 12 ára (ekki fastmótað).

Skráning er hafin á albumm@albumm.is. Nafn og kennitala barns þarf að fylgja skráningu, nafn og símanúmer forráðamanns og hvort er viljað pláss á laugardögum eða sunnudögum.

Hér fyrir neðan má sjá nokkrar skemmtilegar myndir frá fyrri námskeiðum.

nam-4

nam-5

nam-6

nam-7

nam-9

nam-11

nam-1

nam-2

Skrifaðu ummæli