SILENCE SKATEBOARDS ER NÝTT ÍSLENSKT OG ERLENT HJÓLABRETTAFYRIRTÆKI

0

Róbert Ingimarsson og Daniil Moroskin

Silence Skateboards er nýtt hjólabrettafyrirtæki en fyrstu brettin frá þeim komu í búðir á dögunum. Róbert Ingimarsson er einn af eigendum Silence Skateboards en auk hanns eru það Szymon Stachon, Aura Bredart og Simon Grassard sem reka Silence. Nýjasta viðbótin er svo hjólabrettakappinn Daniil Moroskin en hann er einn efnilegasti hjólabrettakappinn okkar Íslendinga og þó víðar væri leitað. „Daniil er bara einfaldlega það góður að  við urðum að fá hann í lið með okkur!“

daniil 2

Daniil Moroskin

Brettin fást á Íslandi (Mohawks í Kringlunni), Frakklandi og Póllandi og óhætt má segja að þetta hafi farið vel af stað. „Hugmyndin að Silence kviknaði fyrir rúmum tveimur árum þannig þetta er búið að taka ágætis tíma en á þessum tveimur árum erum við búnir að vera mjög duglegir að filma og undirbúa þetta allt saman og loksins er komið að þessu.“

rob

Róbert Ingimarsson

Grafíkin á brettunum er mjög flott og forvitnileg.  „Það var gamall skólafélagi minn sem kallar sig FSTN og er orðinn mjög þekktur og vinsæll listamaður í dag. Við vorum saman í skóla í Brussel þegar ég var 12 ára en svo hittumst við mörgum árum seinna og gerum þetta saman. Það eru ótrúlega margar tilviljanir sem hafa átt sér stað að þetta gat orðið að veruleika, lífið er svo skrítið.“

silence

rob 3

Róbert Ingimarsson

Róbert Ingimarsson er einnig með fatamerkið Real Ice en þar eru mjög flottir hlutir að fara í gang. „Real Ice er gert svipað og Silence en það virkar þannig að allir sem koma að því fá sinn hlut í fyrirtækinu og eru þá orðnir partur af krúinu Það eru að koma bolir, húfur og allskonar dót en ég er kominn með fyrirtæki sem heitir Stoemp Studio sem er að gera fyrir mig alla grafíkina og þetta er að verða massa flott!“

rob2

Róbert Ingimarsson

Það er mikið framundan hjá Silence og Real Ice og það verður forvitnilegt að fylgjast með þessu verkefni. „Næsta skref er að flytja til Belgíu, filma á fullu og fá Daniil til að koma út en hann er náttúrulega bara þrettán ára. Ég átti góðan fund með mömmu hanns og hún vill bara það besta fyrir son sinn og hanns hjólabrettaferil þannig það er aldrei að vita hvað gerist. Svo er bara að halda áfram að gera bretti, föt og filma og ekki má gleyma því mikilvægasta sem er að skeita!“

Comments are closed.