SIGUR RÓS TEKUR YFIR HÖRPU MILLI JÓLA OG NÝÁRS

0

Hljómsveitin Sigur Rós býður þér að fara “Norður og Niður” í Reykjavík milli jóla- og nýárs.

Í sex daga mun Sigur Rós taka yfir Hörpu, fylla hana af músík, list og viðburðum ásamt því að koma fram sjálf á fernum tónleikum í Eldborg dagana 27, 28, 29 og 30. desember.

Tónleikar Sigur Rósar í Eldborgarsal Hörpu verða þeir síðustu á 18 mánaða tónleikaferðalagi hljómsveitarinnar um heiminn sem hófst um mitt síðasta ár.  Þá verða liðin 5 ár síðan hljómsveitin kom fram á Íslandi.

1.500 manns komast á hverja tónleika Sigur Rósar í Eldborg og geta áhugasamir keypt tvo miða hver á eina tónleika gegn framvísun skilríkja við afhendingu miða.

Norður og Niður mun hýsa tónlistarviðburði, innsetningar, dans, kvikmyndasýningar og óvæntar uppákomur vina og samverkafólks Sigur Rósar í gegnum tíðina í öllum mögulegum og ómögulegum plássum sem finna má í Hörpu.

Frekari upplýsingar um dagskrá Norður og Niður koma á næstu vikum.

MIðasala á tónleika Sigur Rósar í Eldborg hefst mánudaginn 15. maí.

Með því að skrá sig á nordurognidur.is á fólk kost á miðum í forsölu sem hefst föstudaginn 12. maí.

https://sigur-ros.co.uk

Skrifaðu ummæli