SAMARIS MEÐ TÓNLEIKA Á ÍSLANDI!

0

Blikktromman er ótrúlega spennt og stolt að fá þessa hæfilíkaríku hljómsveit til liðs við sig og eru þetta þeirra fyrstu tónleikar á Íslandi eftir að þau unnu nýverið til tveggja verðlauna á Íslensku tónlistarverðlaununum.

Samaris sameinar ólíka tónlistarheima með rafpoppi Þórðar Kára, klarinettleik Áslaugar Rúnar og undraverðum, öruggum og hljómþýðum söng Jófríðar Ákadóttur. Samaris vann öruggan sigur Músíktilrauna árið 2011 fyrir þroskaðan hljóm sem er dulúðlegur og framandi en jafnframt persónulegur.

Síðustu ár hafa þau spilað úti um allan heim og segja þau ferðalögin hafa aukið skilning sinn á sambandi sínu við tónlist og hvert annað. Á annarri plötu sinni, Black Lights, spila þau úr ævintýrum síðustu ára en platan sú var valin plata ársins á íslensku tónlistarverðlaununum 2016 auk þess sem Jófríður var valin söngkona ársins.

Tónleikaröðin Blikktromman byrjaði haustið 2015 og hefur gengið vonum framar. Áhersla er lögð á að bjóða upp á tónleika með nokkrum af okkar fremstu tónlistarmönnum í því nána og gæðaumhverfi sem Kaldalón salur í Hörpu býður uppá. Eftir tónleikana gefst gestum kostur á að sitjast niður með drykk og útsýni yfir smábátahöfnina, með góða tónlist í bakgrunninn. Ekkert vesen, bara gæði

Meðal listamanna sem komið hafa fram á Blikktrommunni eru: Sóley, Högni Egilsson, Valdimar & Örn Eldjárn, Mr. Silla, Sin Fang, Úlfur Eldjárn, Tina Dickow & Helgi Hrafn Jónsson og Benni Hemm hemm, Snorri Helgason, Úlfur úlfur, President Bongo & The Emotional Carpenters, Teitur Magnússon, Dj.flugvél og geimskip og Soffía Björg.

Miðalalan fer fram á Harpa.is

http://samaris.is

Skrifaðu ummæli