RVK DNB er hópur plötusnúða sem eiga það allir sameiginlegt að elska Drum ´N Bass tónlist. Agzilla, Plasmic, Dj Andre og Dj Elvar hafa haldið regluleg kvöld frá árinu 2013 en þeirra tíunda kvöld fer fram á skemmtistaðnum Húrra í kvöld og er hluti af Iceland Airwaves. Kapparnir byrja stundvíslega kl 22:00 til 00:00 en þá tekur tónlistarmaðurinn Amit við og spilar til kl 01:00.
RVK DNB krúið voru rétt í þessu að senda frá sér boli og óhætt er að segja að útlitið er vægast sagt vel heppnað. Það er enginn annar en Drum´N Bass gúrúinn Siggeir Magnús Hafsteinsson eða Sig Vicious sem hannar bolina en hann er einn fremsti hönnuður okkar Íslendinga þótt víðar væri leitað!
Agzilla, Plasmic, Dj Andre og Dj Elvar eru löngu orðnir að goðsögn í Íslensku Drum´N Bass senunni og ætti því enginn að láta þetta framhjá sér fara.
Nælið ykkur í bol, skellið ykkur á Húrra í kvöld og dansið frá ykkur allt vit!
Umræðan