Sem kunnugt er verður rokkhátíðin Rokkjötnar haldin í Vodafone-höllinni þann 5. desember næstkomandi. Skipuleggjendur hátíðarinnar eru nú í óða önn að koma öllu á hreint og í mörg horn er að líta eins og gefur að skilja. Nú hefur tímaplanið verið gefið út og það er vægast sagt vígalegt:
• 16:00-16:35 MEISTARAR DAUÐANS
• 16:50-17:25 BOOTLEGS
• 17:40-18:15 MUCK
• 18:30-19:10 KONTINUUM
• 19:25-20:15 THE VINTAGE CARAVAN
• 20:30-21:30 SÓLSTAFIR
• 21:45-22:45 DIMMA
• 23:15-00:45 MASTODON
Í ár mun í fyrsta sinn frá upphafi Rokkjötna stíga á svið erlend hljómsveit, en það er engin önnur en MASTODON sem er ein allra vinsælasta þungarokkshljómsveit 21. aldarinnar.
Hér gefur einnig að líta rjómann sem flýtur ofan á íslensku þungarokkssenunni. Bara á þessu ári hafa fjórar af þeim 8 hljómsveitum sem fram koma á Rokkjötnum í ár gefið út nýjar plötur; MEISTARAR DAUÐANS með ‘Kayȁ Kȁgȁ Pinȁndawȁ’, nýkomin funheit úr pressu beint í jólabúð rokkarans á Rokkjötnum.
BOOTLEGS með ‘Ekki fyrir viðkvæma’ eftir 25 ár frá síðustu plötu, en nú ætla þeir að sýna hvernig þungarokk var spilað.
https://www.youtube.com/watch?v=DaVT7dzcDyQ&list=PLMapLaOz5yAg4tr4HNhrF8aYTxBQ9SQCW
MUCK með ‘Your Joyous Future’, en þeir hafa nýlokið tónleikaröð um Bretland ásamt Every Time I Die.
[bandcamp width=350 height=350 album=2089868798 size=large bgcol=333333 linkcol=e99708 minimal=true]
KONTINUUM með ‘Kyrr’ sem fengið hefur gríðarlega góð viðbrögð og þá sérstaklega á erlendum markaði.
Einnig hafa þetta árið THE VINTAGE CARAVAN og SÓLSTAFIR túrað sleitulaust víðsvegar um heiminn.
DIMMA hefur ekki haft undan í spilamennsku, hvort sem er með Bubba eða Sinfóníuhljómsveit Norðurlands í pakkfullri Eldborg Hörpu.
Rokkjötnar leggja áherslu á að gera íslensku þungarokki hátt undir höfði og hefur að leiðarljósi að sem allra flestir geti notið. Þannig er miðaverði stillt í hóf og fólk sem ekki hefur náð 18 ára aldri er velkomið með forráðamönnum. Þessu er svo pakkað inn í glæsilega umgjörð, risasvið, og kraftmesta tækjakost sem völ er á. Rokkjötnar vilja sjá íslenskt þungarokk vaxa og dafna enn frekar og eiga þá ósk heitasta að sem flestir taki þátt í þeirri uppbyggingu. Sem fyrr segir verða herlegheitin haldin í Vodafone-höllinni laugardaginn 5. desember og opnar húsið klukkan 15:00. Miðaverð er aðeins 9.490 krónur og er miðasalan í fullum gangi hér á tix.is.
Umræðan