Rebekka Sif er 22 ára söngkona og lagasmiður úr Garðabænum. Dusty Wind er blúsað rokk/popp lag þar sem rödd hennar fær að njóta sín í hæstu hæðum. Hún mun koma fram sjö sinnum á Off-venue á Iceland Airwaves og halda ótrauð áfram. Hljómsveit hennar samanstendur af þremur hæfileikaríkum piltum, Aroni Andra Magnússyni, Sindra Snæ Thorlacius og Helga Þorleikssyni. Arnór Sigurðarson sá um upptökustjórn og Bjarni Bragi Kjartansson masteraði.
Í sumar gaf hún út lagið “Our Love Turns to Leave” sem fékk góðar móttökur, en það tók hún upp sjálf í gegnum Skapandi sumarstörf í Garðabæ. Í augnablikinu stundar hún nám í jazz- og rokksöng í Tónlistarskóla FÍH, bókmenntafræði í HÍ, ásamt því að kenna söng í Sönglist og Klifinu. Metnaðarfull og hæfileikarík söngkona hér á ferð!
Rebekka Sif Airwaves plan:
Mánudaginn, 3. nóvember
18:00 Lucky Records
Fimmtudaginn 6. nóvember
15:40 Bunk Bar
17:00 Cintamani
18:50 Hresso
Föstudaginn 7. nóvember
13:00 The English Pub
16:00 Downtown Hostel
Sunnudaginn 9. november
15:00 Jörundur öl- og matstofa
Off-venue eventinn hennar er hægt að skoða nánar HÉR
Umræðan