Rappnámskeið á Akureyri með Steina úr Quarashi

0

Steinar Fjeldsted betur þekktur sem Steini úr hljómsveitinni Quarashi ætlar að halda allsherjar rappnámskeið á Akureyri í samstarfi við Listasumar Akureyrar en Steini hefur um 25 ára reynslu af rappi og hefur hann svo sannarlega komið víða við á viðburðarríkum ferli!.

Steini stofnaði sínu fyrstu hljómsveit aðeins 11 ára gamall og þá var sko ekki aftur snúið. Árið 1996 stofnaði Steini hljómsveitina Quarashi og átti sú góða sveit miklum vinsældum að fagna bæði á Íslandi og erlendis. Sveitin gerði plötusamning við bandaríska útgáfurisann Sony/Columbia Records og upp hófst mikið ævintýri! Quarashi gáfu út fimm plötur, ferðuðust út um allan heim og spiluðu fyrir framan tugi þúsunda gesta á degi hverjum! Steini er mikill reynslubolti þegar kemur að rappi, textagerð og framkomu.

Námskeiðið fer fram í Rósenborg og kennt verður dagana 25, 26 og 27 Júlí frá kl 13:00 – 14:30. Farið verður yfir allt það helsta sem viðkemur rappi, flæði, textagerð og framkomu. Hver og einn fær möppu með með textum og verkefnum og auðvitað verða míkrafónar á svæðinu til að æfa sig í. Enginn ætti að vera svikinn af þessu skemmtilega og gagnlega námskeiði!

Ekkert aldurstakmark!

Námskeiðið kostar 10.000 kr og er Skráning og frekari upplýsingar á rappnamskeid@gmail.com

Facebook viðburðinn má sjá hér.

Skrifaðu ummæli