Í kvöld 8.apríl verður sannkölluð tónlistar veisla í listagalleríi í Prag sem nefnist PRÁM Studio.
Tónlistargoðsögnin Stephan Stephensen eða PRESIDENT BONGO eins og margir þekkja hann sem á síðasta ári skildi við hljómsveitina GusGus eftir tuttugu ára samstarf mun þar trylla lýðinn með fyrsta sóló verki sínu Serenegeti.
Serenegeti hefur vægast sagt fengið glymrandi móttökur útum allan heim en kappinn spilaði plötuna í heild sinni á klakanum fyrir ekki svo löngu við frábæran orðstír.
Á undan honum stígur á stokk hin unga og efnilega ALVIA ISLANDIA sem mun frumflytja sjóðheit lög af nýrri plötu sinni sem kemur út í byrjun Júní 2016. Þetta er í fyrsta sinn sem ALVIA kemur fram erlendis en hún er þekkt fyrir frábæra sviðsframkomu.
Alvia Islandia var að senda frá sér nýtt lag sem nefnist „Big Up Hoes“ en lagið er einkar hresst og skemmtilegt!
Tónleikarnir hefjast stundvíslega kl 20:00
Umræðan