Í NÝRRI HERFERÐ SAMSUNG Í KANADA

0

Rakel

Lagið Dior með hljómsveitinni Halleluwah heyrist í nýrri herferð Samsung í Kanada fyrir Galaxy S8 og S8+. Herferðin var sett í loftið byrjun júní og hefur auglýsingin nú þegar fengið ríflega 200.000 áhorf á youtube. Herferðin er hluti af alþjóðlegri herferð Samsung “unbox your moment” sem keyrð er um allan heim.

Alda útgáfa, nýtt útgáfufélag á Íslandi sem tók yfir tónlistarútgáfuhluta Senu, hafði milligöngu með söluna á laginu en Halleluwah er á mála hjá Öldu.

Endurútgáfa lagsins Dior hefur litið dagsins ljós á þröngskífu sem finna má á Spotify, en auk endurhljóðblöndunar lagsins er þar að finna nokkur Remix eftir valinkunna tónlistarmenn úr íslenska tónlistarlífinu. Terrordisco glæðir lagið nýju lífi með frábæru remix-i, en auk Terrordisco fara Vibrant (Viddi úr Trabant) og Leisure (Leifur úr Low Roar) mjúkum höndum um Dior með nýjum Remixum.

Dúettinn Halleluwah er skipaður þeim Sölva Blöndal og Rakel Mjöll en þau eru landsmönnum bæði að góðu kunn. Sölvi gerði garðinn frægan á árum áður með hljómsveit sinni Quarashi og Rakel býr nú og starfar við tónlistarsköpun í Englandi, með hljómsveit sinni Dream Wife.

Skrifaðu ummæli