MUMFORD & SONS KOMA FRAM Á ICELAND AIRWAVES

0

Það verður breska hljómsveitin Mumford & Sons sem lokar Iceland Airwaves tónlistarhátíðinni 2017. Hún mun koma fram á lokatónleikum hátíðarinnar í Valshöllinni sunnudaginn 5. nóvember nk. Húsið opnar kl. 19:00 og hefst dagskrá kl. 19.30 en aðrir listamenn sem koma fram þetta kvöld í Valshöllinni verða kynntir síðar. Allir armbandshafar sem eru með armband fyrir alla hátíðina og armband sem gildir á Akureyri og Reykjavík eiga rétt á að ná sér í miða á þessa tónleika. Miðar verða afhentir í Bíó Paradís laugardaginn 4. nóvember kl. 17 – fyrstur kemur fyrstur fær:1 armband = 1 miði. Auk þess verða 500 miðar seldir á þessu tilteknu tónleika og hefst miðasala þriðjudaginn 25. júlí kl. 10 á tix.is.  

Það þarf vart að kynna Mumford & Sons fyrir landsmönnum en hún hefur verið með vinsælustu hljómsveitum heimsins síðustu ár. Plötur þeirra hafa selst í bílförmum út um allan heim en sveitin hefur sent frá sér þrjár plötur: Sigh No More (2009), Babel (2012) og Wilder Mind (2015). Helstu smellir Mumford eru: I will wait, The Cave, Little Lion Man og Belive. Hljómsveitin þykir með allra bestu tónleikasveitum í heiminum í dag.

Icelandairwaves.is

Skrifaðu ummæli