MORÐINGJARNIR GEFA LOFTSTEIN

0

morðingjarnir 2

Íslenska rokkhljómsveitin Morðingjarnir gefur út sína fjórðu breiðskífu í dag, miðvikudag 15. júní, og ber hún nafnið Loftsteinn. Platan er sú fyrsta frá sveitinni síðan árið 2009 og verður eingöngu fáanleg stafrænt, í formi streymis, án endurgjalds.

„Við höfum einfaldlega ekki pláss í kompum og á háaloftum fyrir óselda geisladiska. Loftsteinn hefur verið lengi að líta dagsins ljós en upptökur hófust í árslok 2012“ Haukur Viðar Alfreðsson.

morðingjarnir

Nokkur lög af plötunni hafa hljómað í útvarpi, þá helst lagið „Milli svefns og vöku,“ sem sat lengi á Pepsi Max lista X977 yfir vinsælustu lögin.

„Platan var tilbúin, mixuð og masteruð fyrir meira en tveimur árum. Svo komu tafir og rugl og á endanum lagðist hljómsveitin í dvala. Það var því enginn tilgangur með því að gefa þetta út á meðan við vorum ekkert að spila. En núna erum við að gíra okkur upp í eitthvað glens og þá er um að gera að henda þessu bara út.“  – Haukur Viðar Alfreðsson.

Morðingjarnir hafa engin áform um tónleikaferðalög í kjölfar útgáfunnar en þó stendur til að fagna plötunni með einhverjum hætti. Sveitin hefur ekki spilað saman í meira en eitt og hálft ár en það eru góðar líkur á því að sveitin haldi einhverskonar útgáfutónleika.

 

Comments are closed.