Goðsagnakennda hljómsveitin Quarashi kom fram á laugardagskvöldið á þjóðhátíð í Eyjum og ætlaði allt um koll að keyra þegar sveitin sló sína fyrstu nótu. Mikil stemming var í dalnum og tóku þjóðhátíðargestir afar vel í dúndrandi Hip Hop takta sveitarinnar.
Fyrst mátti heyra lagið Baseline og svo var keyrt í lög eins og Mess It Up, Mr. Jinx, Chicago og var lokalagið að sjálfsögðu ofursmellurinn Stick Em Up. Frábærir tónleikar og ekki á hverjum degi sem þessi ofursvala hljómsveit stígur á svið.
Heyrst hefur að Quarashi ætlar að blása til heljarinnar tónleika í Reykjavík en ekkert hefur verið staðfest ennþá!
Valgerður Árnadóttir mætti á tónleikana og tók hún þessar frábæru ljósmyndir.
Video: Dukagjin Idrizi
Umræðan