KRAUMSVERÐLAUNIN VERÐA AFHENT Í DAG 12.12.17

0

Jfdr.

Í dag þriðjudaginn 12. desember verða Kraumsverðlaunin afhent í tíunda sinn á Bryggjunni, Grandagarði 8, 101 Reykjavík. Alls munu sex listamenn og hljómsveitir hljóta Kraumsverðlaun, en athygli vekur að fimm verðlaunahafana í ár eru tónlistarkonur eða hljómsveitir skipaðar eingöngu kvenkyns listamönnum. Árni Matthíasson formaður dómnefndar kynnir Kraumsverðlaunin 2017 kl 17:15. Svo mun hljómsveitin Cyber taka lagið kl 17:30. Léttar veitingar verða í boði.

Kef Lavík.

Alls eru 25 hljómsveitir og listamenn tilnefndir til Kraumsverðlaunanna í ár fyrir plötur sínar. Listi yfir tilnefndar plötur, Kraumslistinn, var birtur þann 1. desember og inniheldur þau verk sem dómnefnd Kraumsverðlaunanna þykja skara fram úr hvað varðar gæði, metnað og frumleika í íslenskri hljómplötuútgáfu á árinu.

Kraumslistinn í ár iðar af fjölbreytni. Hip hop og rapptónlist er þar vissulega áberandi, en litrófið spannar hinar ýmsu tónlistarstefnur og strauma, má þar nefna jazz, popp, teknó og öfgarokk. Enda Kraumsverðlaunin ekki bundin ákveðinni tónlistarstefnu og þeim fylgja engir undirflokkar. Greinilegt er að mikil gróska er í íslensku tónlistarlífi hvað útgáfurstarfsemi varðar, enda fór dómnefnd verðlaunanna yfir 374 útgáfur í vinnu sinni og vali á Kraumsverðlaunum 2017.

Glerakur.

Kraumsverðlaunin eru árleg plötuverðlaun tónlistarsjóðsins Kraums sem starfræktur er á vegum Auroru velgerðasjóðs og verður þetta í tíunda sinn sem verðlaunin verða afhent. Alls hafa 45 hljómsveitir og listamenn hlotið Kraumsverðlaunin frá því þau voru fyrst veitt árið 2008.

KRAUMSLISTINN 2017 – ÚRVALSLISTI KRAUMSVERÐLAUNANNA:

Alvia Islandia – Elegant Hoe

Baldvin Snær Hlynsson – Renewal

Bára Gísladóttir – Mass for Some

Biogen – Halogen Continues

Bjarki – THIS 5321

Cyber – Horror

Dodda Maggý – C series

Elli Grill & Dr. Phil – Þykk Fitan Vol. 5

Eva808 – Prrr

GlerAkur – The Mountains Are Beautiful Now

Godchilla – Hypnopolis

Fersteinn – Lárviður

Hafdís Bjarnadóttir – Já

Hatari – Neysluvara EP

JFDR – Brazil

Joey Christ – Joey

kef LAVÍK – Ágæt ein: Lög um að ríða og / eða nota fíkniefni

Legend – Midnight Champion

Nordic Affect – Raindamage

Pink Street Boys – Smells like boys

SiGRÚN – Smitari

Sólveig Matthildur – Unexplained miseries & the acceptance of sorrow

Úlfur – Arborescence

Volruptus – Hessdalen

World Narcosis – Lyruljóra

Kraumslistinn og Kraumsverðlaunin eru valin af fjórtán manna dómnefnd sem skipað er fólki sem hefur margvíslega reynslu af því að fjalla um, spila og vinna með íslenska tónlist í fjölmiðlum, á vegum Útflutningsskrifstofu íslenskrar tónlistar (IMX) og á öðrum vettvangi. Dómnefndina í ár skipa; Árni Matthíasson (formaður), Andrea Jónsdóttir, Anna Ásthildur Thorsteinsson, Alexandra Kjeld, Arnar Eggert Thoroddsen, Benedikt Reynisson, Berglind Sunna Stefánsdóttir, Heiða Eiríksdóttir, Helga Þórey Jónsdóttir, Hildur Maral Hamíðsdóttir, Jóhann Ágúst Jóhannsson, Tanya Pollock, Trausti Júlíusson og Óli Dóri.

Godchilla.

Aðstandandi Kraumslistans og Kraumsverðlaunanna er tónlistarsjóðurinn Kraumur sem starfræktur er á vegum Auroru velgerðasjóðs. Kraumur hefur það að meginhlutverki að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan.

www.kraumur.is

Skrifaðu ummæli