KEX HOSTEL TILKYNNIR Í DAG VIÐ ATHÖFN STYRKHAFA ÚR TÓNLISTARSJÓÐI SÍNUM

0

Júníus Meyvant var einn af nokkrum listamönnum sem fékk styrk í fyrra upp á eina miljón króna.

Frá opnun KEX Hostels árið 2011 hefur gistiheimilið og veitingastaðurinn Sæmundur í sparifötunum verið þeirrar gæfu aðnjótandi að vera í hringiðu hinnar miklu grósku sem einkennir íslenskt tónlistarlíf.  Starfsfólk KEX Hostels og Kexlands er afar þakklátt fyrir að fá að fylgjast með á hliðarlínunni og sjá íslenska tónlist dafna hérlendis sem og á erlendri grundu.

Til þess að ítreka þakklæti sitt til íslensks tónlistarfólks KEX Hostel stofnaði fyrirtækið KEX Ferðasjóð í fyrra sem hefur að leiðarljósi að styrkja íslenskt tónlistarfólk til útrásar og styðja við bakið á þeim í tónleikaferðum. Lokað var fyrir umsóknir 28. febrúar síðastliðinn og alls sóttu 30 hljómsveitir og tónlistarfólk um styrk.

Í úthlutunarnefnd eru þau Arnar Eggert Thoroddssen, Elísabet Indra Ragnarsdóttir, Ragnheiður Eiríksdóttir, Lárus Bl. Sigurðsson og Benedikt Reynisson. Sjö verkefni fá styrk í ár og verður tilkynnt við athöfn í bókahorninu á KEX Hostel þriðjudaginn 2. maí klukkan 16:00. Í fyrra hlutu Júníus Meyvant, Zhrine, Sísý Ey, Antimony og Gyða Valtýsdóttir styrki, samtals uppá ein milljón króna. 

Umsækjendur geta eingöngu verið tónlistarfólk eða hljómsveitir. Umsóknum skal skilað rafrænt (á PDF- eða Word-formi) til sjóðsins. Með umsóknum skulu fylgja ferilskrár helstu þátttakenda verkefnisins og vísun í tónlistariðkun þeirra (t.a.m. rafræn tóndæmi (mp3), vefsíður (Soundcloud, Bandcamp eða álíka) og/eða myndbönd (Youtube, Vimeo eða álíka)). Umsóknir skulu sendar með tölvupósti á netfangið kexferdasjodur@kexland.is

Í fjárhagsáætlun umsóknar skal þess getið ef sótt hefur verið í aðra sjóði eða hvort það standi til og tilgreina þá sérstaklega. Sjóðurinn lítur það jákvæðum augum að verkefni hljóti einnig styrkveitingu annarstaðar frá. Umsóknarfrestur ár hvert er 28. febrúar. Samtals er úthlutað einni milljón króna.

KEX Ferðasjóður lítur til eftirtalinna atriða við afgreiðslu umsókna:

  • Að umsókn verkefnisins sýni fram á að hér sé á ferð bæði metnaðarfullt og framkvæmanlegt verkefni.
  • Styrkur sjóðsins miðar að því að styðja íslenskt tónlistarfólk við að koma fram erlendis. Gert er sem skilyrði að styrkhafar spili á tónleikum á KEX Hostel áður en haldið er erlendis.
  • KEX Ferðasjóður hefur ekki milligöngu um samskipti eða bókanir fyrir tónlistarfólk erlendis.

Skrifaðu ummæli