ÍSLENSKIR TÓNLISTARMENN MINNAST ELVIS PRESLEY

0

Björgvin Halldórsson, Stefán Hilmarsson, Jakob Frímann Magnússon og Guðmundur Jónsson í Royal Studios.

Elvis Aaron Presley hefði orðið 82 ára í gær hefði hann lifað en hann lést 16. Ágúst árið 1977. Kónginum var minnst út um allan heim en eins og hvert mannsbarn veit þá er Elvis einn ástsælasti tónlistarmaður allra tíma!

Í september 2015 fór hópur íslenskra tónlistarmanna til Memphis í Tennessee og tóku þeir þar upp nokkur lög! Við eru ekki að tala um neina viðvaninga en þarna á ferð voru: Björgvin Halldórsson, Jakob Frímann Magnússon, Júlíus Guðmundsson, Guðmundur Óskar Guðmundsson, Guðmundur Jónsson og Hjörtur Jóhannsson.

Júlíus Guðmundsson, Björgvin Halldórsson og Guðmundur Óskar í Royal Studios.

Kapparnir gerðu sér lítið fyrir og skelltu sér í eitt frægasta hljóðver heims, Royal Studios en þar hafa tónlistarmenn á borð við  Al Green, Chuck Berry, John Mayer, Buddy Guy, My Morning Jacket, De LA Soul og Rod Stewart tekið upp en einnig æfðu hinir einu sönnu Bítlarnir í hljóðverinu í einni ferð sinni um Bandaríkin.

Eilífðartöffarinn Björgvin Halldórsson á góðri stundu.

Tekin voru upp nokkur lög og er eitt af þeim „That´s alright mama“ eftir Arthur “Big Boy” Crudup en lagið varð síðan þekkt um heim allan sem fyrsta hljóðritun Elvis Presley og skaut honum upp á stjörnuhimininn þar sem hann dvelur enn.

Hér fyrir neðan má hlýða á lagið umtalaða.

 

Skrifaðu ummæli