Hvíld frá amstri dagsins og stressinu sem fylgir jólunum

0

HEDBAND og Thorisson sendu fyrir skömmu frá sér sitt fyrsta jólalag en það er þeirra eigin útgáfa af klassíska Ladda stuðslagaranum „Snjókorn falla.”

„Við vildum hafa hressleikann í fyrirrúmi við val á lagi og það þekkja allir þetta lag en í allt öðruvísi búningi svo á það einnig góðan og hlýjan stað í jólahjötunum okkar”. Borgar Thorisson var svo ekki lengi að malla saman eightees infúsaðri popp útgáfu af laginu. – Karítas Harpa.

Hedband og Thorisson óska landsmönnum öllum gleðilegra jóla og megi þau verða smekkfull af klingjandi jólabjöllum við geggjaðan punchy trommuslátt og eightees synthahljóm.

Sólveig Ásgeirsdóttir, Daníel E Arnarson, Alexander Freyr og Stefán Þorleifsson koma einnig fram á tónleikunum.

Árlegir jólatónleikar Karitasar Hörpu verða að þessu sinni í Selfosskirkju miðvikudagskvöldið 19. desember. Tónleikarnir eru með örlítið stærra sniði en síðustu ár og ólíkt síðustu árum eru einungis einir tónleikar talsins. Karitas gerir allt sem í hennar valdi stendur til að fanga eins heimilislegan, einlægan og falllegan jólaanda þetta kvöld ásamt hljóðfæraleikurunum Stefáni Þorleifssyni og Alexander Frey Olgeirssyni. En ásamt Karitas Hörpu ljá þau Daníel E. Arnarsson og Sólveig Ásgeirsdóttir raddir sínar til að skapa þessa töfrandi stund.

„Ég hef gert það síðastliðin ár að halda jólatónleika eða jólastund, ég kýs að kalla þetta jólastund því mér finnst þetta aðeins meira en bara tónleikar, sem kostar lítið eða ekkert á, svo sem flestir eigi möguleika á að mæta. Ég vel þennan tíma, svona nálægt jólunum í von um að fólk geti litið á þetta sem einskonar hvíld frá amstri dagsins og stressinu sem svo auðveldlega getur skapast á þessum tíma.“ Í lok tónleika verður boðið upp á heitan drykk og smákökur fyrir tónleikagesti.” – Karítas Harpa.

Hægt er að nálgast miða á tónleikana á Tix.is.

Skrifaðu ummæli