Hjólabrettanámskeið fyrir krakka: Fyrir byrjendur og lengra komna!

0

Skráning er hafin á næsta námskeið hjá Hjólabrettaskóla Reykjavíkur sem hefst laugardaginn 22. September og September 23. September. Nú í fyrsta skipti bjóðum við upp á námskeið fyrir lengra komna, þá er gott að kunna að renna sér, fara upp og niður palla og beygja á brettinu. Námskeiðin fyrir lengra komna fara fram á sunnudeginum en fyrir byrjendur á laugardeginum.mesk Líkt og á fyrri námskeiðum er það Steinar Fjeldsted sem sér um kennsluna en hann hefur um þrjátíu ára reynslu af hjólabrettum, hefur tekið þátt í fjölda keppna bæði hér á landi og erlendis og verið viðloðinn brettanámskeiðum í um fimmtán ár. Honum til halds og traust verður hjólabrettakapparnir Eyþór Mikael og Dagur Örn en þeir hafa kennt á hjólabrettanámskeiðum í nokkur ár með afar góðum árangri.

Á námskeiðinu fyrir byrjendur verður farið yfir öll helstu grunnatriði hjólabrettaíþróttarinnar eins og t.d. ýta sér, hvernig á að standa, snúa við, líkamsstöður og Ollie (hoppa) svo fátt sé nefnt. Á námskeiðinu fyrir lengra komna verður farið í ögn flóknari hluti eins og t.d. Kickflip, Shovit og jafnvel 360 flip svo fátt sé nefnt!

Á námskeiðinu er hjálmaskilda en einnig eru allir hvattir til að koma með þær hlífar sem viðkomandi á. Nauðsynlegt er að eiga hjólabretti eða mæta á námskeiðið með eitt slíkt.

 

Námskeiðið fer fram í aðstöðu Jaðar Íþróttafélags í Dugguvogi 8 og byrja þau kl 10:00 og standa til kl 11:30 og eru í fjögur skipti. Námskeiðið kostar 10.000 kr og fer skráning fram á hjolabrettaskoli@gmail.com, nafn og kennitala barns þarf að fylgja skráningu sem og nafn og símanúmer forráðamanns. Einnig er gott að láta fylgja með hvorn daginn skráð er á.

Hægt er að sjá nánar um starfsemina okkar hér.


Hjólabrettanámskeiðin eru styrkt af Hámark og Joe And The Juice

Hlökkum til að sjá ykkur!

Skrifaðu ummæli