Hjólabrettanámskeið fyrir fullorðna – hefst 29. Maí

0

Hjólabrettaskóli Reykjavíkur býður nú í fyrsta skiptið upp á Námskeið fyrir fullorðna! Krakkanámskeiðin hafa slegið rækilega í gegn og hefur skólinn fengið fjölmargar fyrirspurnir um fullorðinsnámskeið. Námskeiðin eru fyrir algjöra byrjendur og lengra komna en farið verður yfir undirstöðu hjólabrettisins t.d. hvernig á að standa, ná jafnvægi, ýta sér og ollie (stökkva á brettinu).

Hjólabretti er virkilega skemmtileg og góð hreyfing sem reynir á alla vöðva líkamans. Einnig ýtir hjólabretti undir skapandi hugsun og fær viðkomandi til að vera meira vakandi fyrir umhverfi sínu. Steinar Fjeldsted einn af eigendum Hjólabrettaskóla Reykjavíkur mun sjá um kennsluna en hann hefur um 30 ára reynslu af hjólabrettum og hefur kennt á fjölmörgum námskeiðum með virkilega góðum árangri.

Þetta námskeið er fyrir 18 ára og eldri og hefst það þriðjudaginn 29. Mái næstkomandi og fer það fram í innanhúsaðstöðu Jaðar Íþróttafélags í Dugguvogi 8. Námskeiðin byrja kl 20:00 og standa til kl 21:00 og er fjóra þriðjudaga í röð. Námskeiðið kostar 10.000 kr og fer skráning fram á hjolabrettaskoli@gmail.com, nafn, símanúmer og kennitala þarf að fylgja skráningu.

Einnig bjóðum við upp á 15% afslátt á samansettum hjólabrettum í Versluninni Skuggi á Skólavörðustíg 22.

Skrifaðu ummæli