Hjólabrettanámskeið fyrir FULLORÐNA á AKUREYRI

0

Hjólabrettaskóli Reykjavíkur í Samstarfi við Listasumar Akureyrar, Hámark, Sjoppan Vöruhús og Kókómjólk blæs nú í námskeið fyrir fullorðna á Akureyri og það í fyrsta skipti! Fullorðinsnámskeiðin hafa fengið frábærar viðtökur í Reykjavík og má sjá bros úr hverju andliti! Námskeiðin eru fyrir algjöra byrjendur og lengra komna en farið verður yfir undirstöðu hjólabrettisins t.d. hvernig á að standa, ná jafnvægi, ýta sér og ollie (stökkva á brettinu).

Hjólabretti er virkilega skemmtileg og góð hreyfing sem reynir á alla vöðva líkamans. Einnig ýtir hjólabretti undir skapandi hugsun og fær viðkomandi til að vera meira vakandi fyrir umhverfi sínu. Steinar Fjeldsted einn af eigendum Hjólabrettaskóla Reykjavíkur mun sjá um kennsluna en hann hefur um 30 ára reynslu af hjólabrettum og hefur kennt á fjölmörgum námskeiðum með virkilega góðum árangri.

Þetta námskeið er fyrir 18 ára og eldri og fer það fram dagana 25. 26. Og 27. Júlí kl 12:00 – 13:30 og fer það fram á hjólabretta útisvæðinu hjá Háskólanum á Akureyri. Námskeiðið kostar 10.000 kr og fer skráning fram á hjolabrettaskoli@gmail.com, nafn, símanúmer og kennitala þarf að fylgja skráningu.

Sjáumst!

Skrifaðu ummæli