HJÓLABRETTANÁMSKEIÐ Á AKUREYRI UM VERSLUNARMANNAHELGINA

0

Þriggja daga hjólabrettanámskeið fyrir krakka á öllum aldri á vegum Albumm.is í samstarfi við Ein með öllu – Íslensku sumarleikanna og Sjoppan Vöruhús fer fram á Akureyri dagana 4 – 6 Ágúst (verslunarmannahelgina) kl 11:00 – 12:30  á útisvæðinu hjá: Háskólanum á Akureyri. Námskeiðin hafa slegið rækilega í gegn á þeim tveimur árum sem þau hafa verið haldin og ekkert lát virðist vera á vinsældum þeirra. Fyrr í sumar fór námskeiðið fram í fyrsta sinn á Akureyri og var gríðarlega góð mæting og mikil ánægja var með námskeiðið.

Líkt og á fyrri námskeiðum er það hjólabretta og tónlistarmaðurinn Steinar Fjeldsted sem sér um kennsluna en hann hefur um þrjátíu ára reynslu af hjólabrettum, hefur tekið þátt í fjölda keppna bæði hér á landi og erlendis og verið viðloðinn brettanámskeiðum í um fimmtán ár. Honum til halds og trausts verða tveir af helstu hjólabrettaköppum landsins.

Farið verður yfir öll helstu grunnatriði hjólabrettaíþróttarinnar eins og t.d. ýta sér, hvernig á að standa, snúa við, líkamsstöður, Ollie (hoppa) svo fátt sé nefnt. Fyrir þau sem eru örlítið lengra komin verður farið í ögn flóknari hluti eins og t.d. Kickflip, Shovit og jafnvel 360 flip. Á námskeiðinu er hjálmaskilda en einnig eru allir hvattir til að koma með sín eigin bretti.

Námskeiðið hefst stundvíslega kl 11:00 og stendur til kl 12:30. Kennt verður þrjá daga; og kostar námskeiðið 10.000 kr. fyrir öll þrjú skiptin.

Skráning er hafin á albumm@albumm.is

Nafn og kennitala barns þarf að fylgja skráningu og sími og nafn foreldris.

Skrifaðu ummæli