Laugardaginn 17. Febrúar næstkomandi verður haldin sérstök Soundgarden rokkmessa á Gauknum til heiðurs söngvaranum og Íslandvininum Chris Cornell sem lést fyrir aldur fram í maí 2017.
Dagskráin samanstendur af helstu lögum rokksveitarinnar Soundgarden þar sem Chris Cornell var forsprakki og helsti laga- og textahöfundur. Einnig mun dúettinn Bellstop koma fram og leika lög frá sólóferli og hliðarverkefnum Chris Cornell.
Hópurinn sem flytur dagskránna er með urrandi mikla reynslu í heiðurstónleikum af öllum stærðum og gerðum og má þar helst nefna Nirvana, Pearl Jam, Alice In Chains, Guns & Roses, AC/DC, Smashing Pumpkins og Queens Of The Stone Age.
Allar helstu þrumurnar frá þessari þrusu gruggsveit ásamt eldingum frá ferli Chris Cornell fá að hljóma á Soundgarden Rokkmessunni. Forsala miða fyrir viðburðinn er á Tix.is.
Heiðurssveitin:
Söngur / Gítar: Einar Vilberg
Gítar / Söngur: Franz Gunnarsson
Bassi / Söngur: Jón Svanur Sveinsson
Trommur / Skúli Gíslason
Bellstop:
Elín Jónsdóttir / Söngur
Rúnar Sigurbjörnsson / Gítar / Söngur
Umræðan