Fyrir stuttu hélt Red Bull tónlistarakademían upp á heimkomu Auðuns Lútherssonar með stóru kvöldi á skemmtistaðnum Húrra, en hann notar listamannsnafnið Auður.
Auður er fyrsti Íslendingurinn sem kemst inn í akademíuna sem fram fór í Montréal í ár. Auðunn var þar í tvær vikur ásamt tónlistarfólki víða að og kennarar voru í heimsklassa svo sem Björk, Chilly Gonzales, Thundercats og margir fleiri.
Auðunn fékk með sér fríðan flokk gesta á Húrra og má þar nefna Tay Salem sem kom frá London en þeir voru skólabræður í Montréal. Hildur og Karó komu einnig fram en þær hafa báðar unnið með Auði að tónlist.
Auður nýtti tækifærið og forsýndi glænýtt tónlistarmyndband við lagið „Both Eyes on You“ sem Hörður Sveinsson og Helgi Jóhannsson leikstýrðu.
Á undan tónleikum kvöldsins voru umræður um akademíuna við Auðunn og Tay Salem sem Matthías Már frá Rás 2 leiddi. Þar kom margt skemmtilegt fram svo sem hvernig umsóknarferlið er, þar voru 10 fullbúin hljóðver sem þeir höfðu aðgang að allan tímann, í kvöldmat hafi þeir stundum fengið kampavín og ostrur og að reynsluboltinn Rod Temperton sem spilaði á hljómborðið í Thriller hjá Michael Jackson var á meðal kennara. Kvöldið var vel sótt og var fullt út úr dyrum.
Ljósmyndir: Brynjar Snær.
Umræðan