Heiðrun á gleymdri perlu frá níunda áratugnum

0

Hljómsveitin Flekar gefur út sína fyrstu plötu þann 8. október næstkomandi og kynnir nú lagið „Blue Whale Blues” fyrir hlustendum. Hljómsveitin mun í kjölfarið halda veglega útgáfutónleika þann 24. október á Húrra og mun stórvinkona hljómsveitarinnar, Lay Low, sjá um upphitun.

Platan verður gefin út sem glæsileg vínylplata og mun hljómsveitin kynna hana með litlum tónleikum í Reykjavík Record Shop þann 10. október og í Lucky Records þann 13. október. Platan verður einnig aðgengileg á Spotify og verða gefin út myndbönd við lögin á YouTube í kjölfar útgáfunnar.

Lagið „Blue Whale Blues” er hér kynnt til spilunar og má sjá glæsilegt myndband við lagið á YouTube í meðfylgjandi link. Myndbandið er gert af Skúla Arasyni, trommara og hljómborðsleikara sveitarinnar, og er nokkurs konar heiðrun á svo til gleymdri perlu frá níunda áratugnum, sem er lagið „Ástarblóm” með tónlistarmanninum Sigga Helga. Myndbandið við Ástarblóm er þannig sveipað dulúð og drunga sem varð til þess að Flekar leituðu í þann djúpa brunn við gerð „Blue Whale Blues.”

Flekar á Spotify

Instagram

Skrifaðu ummæli