HEIDATRUBADOR FAGNAR NÝRRI PLÖTU OG LEGGUR HEIMINN AÐ FÓTUM SÉR

0

Ljósmynd: Geiri X.

Heiða Eiríksdóttir tónlistarmaður hefur í á annað ár unnið að undirbúningi útgáfu á plötu sinni Fast sem hún gefur út undir listamannsnafni sínu Heidatrubador, en það er plata sem hún tók upp um sumarið 2015 í Berlín. Jafnhliða undirbúnings á útgáfu hefur Heiða skipulagt tónleikaferð til kynningar á plötunni, og nú er loksins komið að stóru stundinni. Ferðin er handan við hornið, en hún hefst á Vínyl á Hverfisgötu næstkomandi fimmtudagskvöld, þegar Heiða fagnar geisladiska-útgáfu Fast sem kemur út í takmörkuðu upplagi.

Ljósmynd: Geiri X.

Vínyl-platan er í framleiðslu og kemur út með vorinu, en Karolína-fund söfnun á henni gekk vel. Einungis 150 geisladiskar af nýju plötunni verða framleiddir og þar af um 50 seldir á Íslandi, en restina tekur Heida með sér, ásamt einum gítar, nokkrum effektum og fötum til skiptanna þegar hún flýgur til Noregs þann 31. janúar.

Ástæður ferðarinnar eru tvíþættar: Annars vegar að kynna plötuna í nokkrum löndum Evrópu, og hins vegar að safna innblæstri í næstu plötu, en Heiða hyggst semja lágmark eitt lag í hverju landi sem hún kemur í og taka upp demo, sem hún vinnur svo úr í Berlín næsta sumar. Löndin sem verða heimsótt eru Noregur, Svíþjóð, Danmörk, England, Frakkland, Belgía og Þýskaland, og Heiða nýtur aðstoðar vina sinna í þessum löndum við að bóka og skipuleggja tónleikana.

heida-2

Fjáröflun fyrir ferðalagið hefur staðið yfir í um hálft ár, þar sem Heiða hefur unnið í búð og dj-að, auk þess að vera með sína vikulegu þætti á Rás 2. Hún hefur einnig selt mikið af prívat-safni sínu af vínylplötum, og lokahnykkurinn í plötusölunni fer fram daginn eftir útgáfupartýið, föstudaginn 27.janúar, þegar hún plötusnúðast á Vínyl og allar plötur sem hún spilar af verða einnig til sölu á viðráðanlegu verði svo fólk getur keypt plötuna þegar Heiða hefur klárað að nota hana. Vinyl ætlar að gefa 20% afslátt af öllum plötum hússins frá og með 18.00 og Heiða byrjar að spila klukkan 19.30.

Heidatrubador – Evróputúr 2017:

26. Janúar – Vínyl, Hverfisgata 76, Reykjavík, Ísland

27. Janúar – Dj. Heidatrubador, Vínyl, Hverfisgata 76, Reykjavík, Ísland

28. Janúar – Njarðvík, einkapartý, Ísland

1. Febrúar  –  Atelier Kalvig, Suldalsosen, Noregur

11. Febrúar  – Twang, Stokkhólmur, Svíþjóð

12. Febrúar – PSB, Stokkhólmur, Svíþjóð

14. Febrúar, Norður-Atlandshús, Óðinsvé, Danmörk

16 Febrúar. Musikbiblioteket, Óðinsvé, Danmörk

17. Febrúar Beboerhuset Christianshavn, Kaupmannahöfn, Danmörk

19.-21. Febrúar Brighton, England TBA

24.-2.  Mars, Marseille, Frakkland TBA

4. Mars Les thetards, Perigueux, Frakkland

8.-16. Mars Belgía TBA

18. Mars Lotta – Köln, Þýskaland

Skrifaðu ummæli