GOÐSÖGNIN MORITZ VON OSWALD Á LEIÐ TIL ÍSLANDS

0

moritz von oswald

Moritz Von Oswald  er lifandi goðsögn sem hefur skapað sér nafn sem einn allra stærsti áhrifavaldur Technosins. Undir nafninu Maurizio telst hann ábyrgur fyrir minimal stefnunni sem hefur verið áberandi í danstónlist undanfarin ár. Ásamt því hefur hann þróað og leitt áfram „Deep Techno,“ síðan í byrjun 10.áratugarins undir nafninu Basic Channel ásamt Mark Ernestus. Hann er einnig höfundur „Dubtechno“ geirans undir nafninu Rhythm of Sound.

Moritz Von Oswald á mikið af aðdáendum hér á landi og hefur haft ómæld áhrif á tónlistarmenn útum allan heim, og þar á meðal íslendinga sem tóku tónlist hans eins og nýjum framandi boðskap.

moritz von oswald 4

Tónlist Moritz er fjölbreytt og í dag er hann enn að fara ótroðnar slóðir og kanna takmörk jazz, techno, dub-reggae og klassískrar tónlistar undir nafninu Moritz Von Oswald Trio. Hann er sjálfur sprenglærður tónlistarmaður, fæddur í Hamburg í Þýskalandi. Áhersla hans í því námi var á rythma og ýmis ásláttarhljóðfæri. Hann átti einnig stutta viðkomu í New Wave poppi áður en ferill hans færðist alfarið yfir í raf- og danstónlist. Mikill vinskapur  og náið samstarf myndaðist milli Moritz og Juan Atkins ásamt Carl Craig þegar hann flutti til Detroit, og sér ekki fyrir endann á því samstarfi. Sjaldgæfar endurhljóðblandanir frá Underground Resistance og Jeff Mills fylgdu í kjölfarið. Sterkasta rót Minimal Technosins varð til á þessum tíma með lögum á borð við „Phylips Trak,“  „Octagon,“ „Domina“ og „M 4,5.“  Gífurlegur áhugi hans á rótum dub og reggae hefur fært okkur margt af því besta í tilraunakenndri tónlist og hefur hann bæði gaman af því að vinna með söngvurum og sökkva sér djúpt ofan í dubbaðar útgáfur af lögum sínum. Einfaldleikinn er það sem maður tekur fyrst eftir, en þegar betur er að gáð þá uppgötvar maður lag eftir lag af litlum smáatriðum sem grípa athyglina. Hann er, ásamt Mark Ernestus ábyrgur fyrir útgáfum eins og Basic Channel, Mainstreet Records, M series, Rhythm & Sound og Chain Reaction. Sú síðarnefnda var útgáfa sem að skapaði nýjan vettvang fyrir tónlistarmenn sem gátu hugsanlega fetað í fótspor Basic Channel. Meðal þeirra tónlistarmanna var Robert Henke en hann er þekktur fyrir að vera einn með höfundatónlistarforritsins ableton live. Mark Ernestus er síðan stofnandi plötubúðarinnar Hard Wax í Berlín.

Moritz Von Oswald er einn hugmyndaríkasti frumkvöðull Techno, minimal, dub og deeptechno. Hann hefur tengt saman menningarheima á undraverðan hátt.Þannig hefur samstarf hans við tónlistarmenn með rætur í Karabískri tónlist getið af sér sérstaka kvísl raftónlistar sem kallast Dubtechno.

Það er stórviðburður að fá Moritz Von Oswald til landsins og þeir sem þekkja til hans vita við hverju má búast.

Hvað segir frumkvöðull Technosins:

„Derrick May is the Innovator of Techno Music.“ samkvæmt Wikipedia.

„Basic Channel is basically responsible for the complete minimal sound“

Hvað segja íslensku spekingarnir…

„Ég kynntist Moritz í gegnum Basic Channel og Maurizio um 95/96 og bæði ég og Stebbi urðum algerlega forfallnir. Þetta markaði varanlega á mér heilabörkinn. Basic Channel sleit endanlega techno taugina á frumkvöðlanna í USA og senunnar í Evrópu og Þýskaland tók við sem eitt helsta ræktunarsvæði technósinns.  Tékkið á Gusgus – CHockolate – frekar augljós áhrif þar á ferð.“ – Biggi Veira

„Einn mesti áhrifavaldurinn í techno og mótaði mig með lögum eins og M 4,5 og Phylyps trak ll.  Ekki að ástæðulausu að ég á vel flestar Basic channel, M series, Rhythm & sound og Chain reaction í safninu mínu.“ – Dj Frímann

„Ég kynnist fyrst tónlist Moritz Von Oswald árið 1994. Það sama ár prófaði ég að matreiða þessa nýjungagjörnu minimal dub tónlist hans ofan í dansþyrsta gesti klúbbsins Heaven í London við mikinn fögnuð gesta. Eftir það var ekki aftur snúið. Basic Channel er mesti áhrifavaldur útgáfufyrirtækisins Thule Records og hefur Thule einmitt oft á tíðum verið líkt við tónlist Basic Channel. Plöturnar hans eru fastagestir í töskunni minni og hafa verið alla tíð frá því að ég kynnist þessum listamanni og munu koma til með að vera það um ókomna tíð.“ – Thorhallur Skulason

„Maurizio er snilld sem allir danstónlistarunnendur ættu að þekkja. Þeir eru algjörir frumkvöðlar og lög eins og M4.5, Moritz mixið af Starligh með Model 500 og Phylyps trak II eru með mest spiluðu lögum í safninu mínu. NOT TO BE MISSED!“ – Dj Kári

„Ég heillaðist ótrúlega mikið af Rhythm of Sound, Basic Channel og Maurizio og alltaf verið mikill aðdáendi. Og þegar ég áttaði mig á því að þarna var á ferðinni sami flytjandinn yfir öllum þessum nöfnum og útgáfum þá varð ég ennþá hrifnari. Hvar er hægt að fá miða ???“ – Margeir

„Maðurinn er tómaturinn í pasta arabiata tekknó-sósunnar! Algjörlega ómissandi! Uppáhaldsrétturinn minn og uppáhaldstónlistarmaðurinn saman í einni sæng.“ – President Bongo

„M 4,5 með Maurizio hefur verið besta lag sem ég heyrt síðan 1995. Það er augljóst að Basic Channel er stærsti áhrifavaldur Techno tónlistar eins og hún hljómar í dag ásamt Jeff Mills og Robert Hood. Basic Channel soundið hefur dýpkað technoið á einstakann hátt sem engum öðrum hefur tekist.“ Þegar þessi djúpstefna innan technosins kom upp á sjónarsviðið virkaði hún líkt og trúarbrögð á mig sem tónlistarunnenda. sérstakir early bird miðar verða seldir á aðeins 1.990 kr fyrstu daganna.“ – Exos

Hægt er að nálgast miða á Enter.is

Comments are closed.