Þann 29. febrúar síðastliðinn kom út lagið „Pikaia“ með Magnúsi Leifa og nú hefur tónlistarmaðurinn Einar Indra tekið það heldur betur í gegn og unnið þessa líka rómantísku endurhljóðblöndun (Remix) á laginu.
Hvaða dagur er betri en föstudagurinn þrettándi til að hleypa því út í heiminn og leyfa öðrum að njóta.
„Pikaia“ er annað lagið sem Magnús Leifur gaf út af komandi plötu sinni en hún er einmitt væntanleg á sumarmánuðum.
Einar Indra er raftónlistarmaður með meiru sem hefur marga fjöruna sopið í tónlistarsköpun. Tónlist hans ristir djúpt í samspili ægifagurra raftóna og seiðandi söngs.
Umræðan