DIO HEIÐURSTÓNLEIKAR Á GRÆNA HATTINUM OG HARD ROCK CAFE

0

Ronnie James Dio

Ronnie James Dio (f. 10. júlí, 1942 – d. 16. maí, 2010) var bandarískur tónlistarmaður sem starfaði meðal annars með hljómsveitunum Rainbow, Black Sabbath og sveit sinni Dio. Hann var þekktur fyrir kraftmikla rödd sína og fantasíukennda textagerð. Tónlistarferill hans var einstakur og spannaði meira en 50 ár en hann gaf út 10 plötur gerði 7 tónleikaplötur og tók þátt í ótal verkefnum. Hann ásamt Jimmi Bain og Vivian Campell voru forsvarsmenn Here N‘ aid verkefnisins, sem var samstarfsverkefni margra af stærstu stjörnum þungarokksinns á þeim tíma um að gefa út lagið „We‘re Stars“ til að safna peningum til styrktar bágstaddra í Afríku. Ronnie James Dio lést úr magakrabbameini 16. Maí 2010.

Það þarf varla að taka fram að Dio hafði mikil áhrif á tónlistamenn um allan heim og íslenskir rokkhundar eru þar engin undantekning.

Til að heiðra afrek þessa stórkostlega manns og 75. aldursári hans þá ætla norðlenskir rokkarar að rífa í spíturnar og þenja böndin á Græna Hattinum föstudaginn 28. apríl og á Hard Rock Cafe laugardaginn 29. apríl. Þar verða tekin helstu lög Ronnie James Dio og það má segja að þar mun sannur þungarokksaðdáandi ekki verða fyrir vonbrigðum því að fyrir utan bandið sitt Dio þá mun nokkur Black Sabbath og Rainbow lög óma um sali.

Stefán Jakobsson söngvari Dimmu

Stefán Jakobsson þarf vart að kynna en hann er náttúrulega söngvari Dimmu, Thingtak og er mjög ötull í tónlistalífinu og hefur sungið á öllum helstu rokksýningum landans síðustu ára.

Hörður Halldórsson er gítarleikarinn, en hann hefur mundað sex strengja spítuna í Changer svo núna síðustu árin hefur hann verið í Skurk , sem var að gefa út plötuna Blóðbragð í síðasta mánuði. Einnig hefur hann tekið þá í hinum og þessum verkefnum gegnum tíðina

Haukur Pálmason trymbill hefur trommað í fjölda mörg ár en þar má helst nefna bönd eins og PKK, Hvanndalsbræður og Móðurskipið. Einnig vinnur hann reglulega með Sinfoníuhljómsveit Norðurlands, og tekur árlega þátt í að setja upp jólatónleikana Norðurljós í Hofi. Bönd eins og Krossbandið, Kór Fíladelfíu og Summagleði eru einnig í pokanum ásamt mörgum fleirum. Einnig hefur Haukur spilað inn á og/eða tekið upp tugi hljómplatna, þar á meðal fyrrnefnda plata Skurks Blóðbragð. Svo leikur hann á trommur í hinni goðsagnakenndu pönkhljómsveit Lost.

Summi Hvanndal hefur verið iðinn við kolann en helst er hann þekktur fyrir hlutverk sitt í böndum eins og gleðihljómsveitinni Hvanndalsbræðrum ásamt Killer Queen og Móðurskipinu, svo leikur hann á gítar í hinni goðsagnakenndu pönkhljómsveit Lost.

Hans Friðril Hillaríus Guðmundsson hefur verið í tónlistarnámi alla sína ævi. Hann hefur hamrað á hvítu og svörtu nóturnar í þó nokkrum böndum en þá ber hæst bandið Volta, en einnig hefur hann verið í böndum eins og Ofnæmir, Why Kings og Aron Óskars ásamt því að hafa unnið m.a. með Rúnari Júlíussyni, Ragnari Bjarnasyni, Valgeiri Guðjónssyni, Eyþóri Inga, Matta Matt og Rúnari Þór. Einni var hann listamaður hjá Hammond Europe frá 2015.

Þetta eru félagar með þónokkuð ólíkann bakgrunn en það sem sameinar þá er ómæld virðing fyrir manninum Ronnie James Dio og tónlist hans.

Miðasalan er á TIX.is og sögur herma að miðasalan gangi mjög vel þannig að um að gera að tryggja sér miða í tæka tíð!

Skrifaðu ummæli