DAGUR SIGURÐSSON OG JAPANSKA HANDBOLTALANDSLIÐIÐ TAKA LAGIÐ Í KEX LIVE KARAOKE

0

Sumarið er komið vel á veg og hafa sólríkir dagar í seinnihluta júlí og ágúst glatt íslendinga þannig að tekið er eftir. Sumrinu fylgir eins og öllum árstíðum ákveðinn hversdagsleiki sem breytist lítið milli ára og hann þarf að brjóta upp með reglulegu millibili svo hann verði hressandi og hressilegur. Ein leið til þess að lífga uppá hversdagsleikann er að skella sér í góðum félagsskap í karókí og því ætla nokkrir fullveðja tónlistarmenn að bjóða uppá slíka skemmtun á KEX Hostel í kvöld fimmtudaginn 10. ágúst.

Ef einhver ein þjóð kann að lyfta sér upp við karaoke-söng þá eru það Japanir.  Í Japan er gnægð karaoke-staða og leggur þjóðin mikinn metnað í að sönginn og að athöfnin fari rétt fram. Undanfarna daga hefur japanska karlalandsliðið í handbolta haft aðsetur á KEX. Þjálfari japanska landsliðið er enginn annar en Dagur Sigurðsson sem við þekkjum sem landsliðsmann og þjálfara þýska karlalandsliðsins og Fuchse Berlin. Fyrri lið Dags hafa einnig haft aðsetur á KEX.      

KEX Live Karaoke hefst kl. 20:00 í kvöld fimmtudaginn 10. ágúst og eru það engir aðrir en tónlistarmennirnir Guðmundur Óskar Guðmundsson og Hjörtur Ingvi Jóhannsson úr Hjaltalín, Aron Steinn Ásbjarnarson tónskáld, Þorvaldur Þór Þorvaldsson sem hefur slegið takt fyrir Friðrik Dór, Bloodgroup, Jónsa, Samúel Jón Samúelsson o.fl. og Örn Eldjárn gítarleikara Tilbury og Ylju. Landsliðið japanska mun taka lagið á morgun og aldrei að vita nema einhver þekkt japönsk lög slæðist með.

Gestir á KEX Karaoke og japanska landsliðið geta valið úr um 100 laga banka hjá Karaoke-stjóranum sem verður á svæðinu og hver veit nema að einhverjir þekktir gestasöngvarar taki lagið.  KEX Live Karaoke-stýra verður engin önnur en Sandra Barilli sem er með einstakt lag á því að halda gleðinni við völd.

Kexhostel.is

Skrifaðu ummæli