Þann 9. desember 2016 kom út ný plata með hljómsveitinni Contalgen Funeral. Platan nefnist Good Times og er hún önnur breiðskífa sveitarinnar, en fyrsta platan Pretty Red Dress kom út árið 2012. Platan var tekin upp live í Stúdíó Benmen á Sauðárkróki 2014-2016 og var upptökustjórn í höndum Sigfúsar Arnars Benediktssonar.
Einvala lið skipar þessu frábæru sveit en þau eru: Andri Már Sigurðsson: Söngur, gítarbanjó, kassagítar og rafmagnsgítar, Sigurlaug Vordís Eysteinsdóttir: Söngur, bein og skeiðar, Gísli Þór Ólafsson: Bassi og bakraddir, Sigfús Arnar Benediktsson: Trommur, gítarar og hljómborð og Kristján Vignir Steingrímsson: Rafmagnsgítar og bakraddir.
Contalgen Funeral hefur verið starfandi frá árinu 2011 og hefur hún spilað á öllum helstu tónlistarhátíðum landsins.
Umræðan