„Allir hafa lent í því að kynnast manneskju, ganga of langt og njóta hennar til fulls”

0

Harpa söngkona og textasmiður Skyndikynni.

Hljómsveitin Like Last Year var að senda frá sér lag og myndband sem ber heitið „Skyndikynni. Lagið er áróðurskennt og ögrandi en sendir skilaboð, það talar um báða póla skyndikynna; vonina og þránna , tómleikann og vonbrigðina. Það hafa allir lent í því að kynnast einhverri nýrri og spennandi manneskju, ganga kannski aðeins of langt og njóta hennar til fulls. Komast svo fljótt að því að hún var lítið annað en fantasía sem stóðst ekki væntingar.

„Hversu oft hefuru vaknað daginn eftir og það eina sem þú hugsar er “Hvernig kemst ég heim?” Það fyrsta sem þú finnur eru óþægindin við að vakna við hliðina á einhverjum sem þú þekkir ekki. Þú getur ekki beðið eftir að komast út úr þessum aðsæðum sem þú leitaðir eftir kvöldinu áður.” – Harpa Tanja.

Myndbandinu var leikstýrt af Ólöfu Birnu Torfadóttur sem hefur hlotið viðurkenningar fyrir stuttmyndirnar sínar, Síðasta sumar, Klofin og Litla Hraun en þetta er fyrsta tónlistarmyndbandið sem hún gerir.

Hljómsveitarmeðlimir like Last Year, Haddi, Þór Óskar, Pésú og Harpa.

Hljómsveitin Like Last Year er byggð upp af einstaklingum með ólíka bakgrunna og skoðanir. Harpa Tanja nýgræðingur kemur inn með málefnalegar hugmyndir en enga reynslu af tónlistabransanum og lærir af reynsluboltunum. Haddi Már og Þór Óskar hafa báðir spilað á fjölda hljóðfæra og nýta þá reynslu vel þegar þeir setjast fyrir framan tölvuna að mixa en þar er Haddi sterkastur á trommurnar og Þór á gítarinn og bassa. Pésú er nýjasti meðlimur hljómsveitarinnar og spilar á gítar. Framtíð þessa bands er að prufa sig áfram og það kemur í ljós hver spilar á hvað, þegar á líður.

Instagram

Skrifaðu ummæli